ترامپ ءسۇريا اۋماعىنداعى امەريكا اسكەرىن شىعارماۋى مۇمكىن

اقش پرەزيدەنتى دونالد ترامپ سۇرياداعى امەريكا اسكەرىن شىعارۋ شەشىمىنەن باس تارتپاي وتىر. بۇل تۋرالى CNN تەلەارناسى حابارلادى.

امەريكانىڭ رەسپۋبليكاشىل-سەناتورى ليندسي گرەم ميۋنبيچەدەگى دايش تەررورلىق ۇيىمىنىڭ جاساعان جارىلىسىنان كەيىن، ترامپ ءسۇريادان امەريكا ساربازدارىن شىعارۋ شەشىمىن وزگەرتۋى ءتيىس دەپ مالىمدەگەن ەدى. الايدا، ترامپ بۇل سۇراقتى جاۋاپسىز قالدىرىپ وتىر.

ەستەرىڭىزگە سالا كەتەيىك، اقش پرەزيدەنتى دونالد ترامپ وسىدان ءبىراز ۋاقىت بۇرىن «ءبىز امەريكا اسكەرىنىڭ ءسۇريا ەلىندە جۇرگەن جالعىز قيىندىعىن تولىقتاي شەشتىك. دايش تەررورلىق ۇيىمى جەڭىلدى. ەندى امەريكالىق ساربازدار ءسۇريادان شىعارىلاتىن بولادى» دەپ، ۇندەۋ جاريالاعان بولاتىن. بىراق، جاقىندا عانا دايش تەررورلىق ۇيمى وزدەرىنىڭ ءالى دە بولسا بار ەكەندىكتەرىن ءبىلدىرۋ ماقساتىندا ميۋنبيچەدە جارىلىس جاساعان. اتالعان قايعىلى جاعدايدان امەريكالىق ساربازدار دا كوز جۇمدى. قازىرگى تاڭدا، بارلىق رەسپۋبليكاشىلار ترامپ سۇرياداعى جارىلىستان كەيىن ءوز شەشىمىن وزگەرتكەنىن كۇتىپ وتىر.

“The Qazaq Times”