سوورونباي جەنبەكوۆتىڭ قىتايدان الىستاعىسى كەلمەيدى

قىرعىز پرەزيدەنتى  سوورونباي جەنبەكوۆ  شۋ وبلىسى سوكۋلۋك اۋدانىنىڭ تۇرعىندارىمەن كەزدەسۋدەن ءبىر كۇن بۇرىن قىتاي مەن قىرعىزدىڭ قارىم-قاتىناسىنا سىزات تۇسىرگىسى كەلەتىندەر ءوز ماقساتتارىنا جەتە المايدى دەپ مالىمدەدى.  

پرەزيدەنتتىڭ ءباسپاسوز قىزمەتىنىڭ ايتۋىنشا، وسى كەزدەسۋدە جەرگىلىكتى تۇرعىننىڭ ءبىرى قاڭتاردىڭ 7-دە بىشكەكتىڭ ورتالىق الاڭىندا وتكەن ميتينگكە قاتىستى الاڭداۋشىلىعىن بىلدىرگەن. مۇنداي ميتينگتەر ەكى ەل اراسىنا سىزات ءتۇسىرۋى مۇمكىن ەكەنىن ايتقان.

وسى ورايدا قىرعىز پرەزيدەنتى قىتايدىڭ قىرعىزستانعا گرانتتار مەن نەسيە بەرۋىن ەكى ەل اراسىنداعى ىنتىماقستاستىقتىڭ ناتيجەسى ەكەندىگىن اتاپ ءوتتى.

ء"بىز قىتاي تارابىنا ەكى ەل اراسىنداعى بىرلىك پەن كومەك ءۇشىن العىس بىلدىرۋگە ءتيىسپىز. بارلىق ماسەلە ءبىزدىڭ رەسمي تۇلعالارىمىزدا.  بىز ءاردايىم حالىقارالىق قاتىناستاردى، ەلىمىزدەگى  تۇراقتىلىقتى بۇزعىسى كەلەتىندەردىڭ ارەكەتتەرىن باقىلاۋدا ۇستايمىز. ولار زاڭ جۇزىندە وزدەرىنىڭ جازاسىن الادى. ءبىز مەملەكەتتىڭ بايلىعىن ۇرلامايمىز، حالىققا زيان تيگىزبەيمىز. سوندىقتان ءبىز ەشكىمنەن قورىقپايمىز. قوعامدىق ءتارتىپتى بۇزعاندارعا زاڭ بويىنشا شارا قولدانامىز. بارلىق ماسەلە باقىلاۋدا", - دەدى پرەزيدەنت.

ەستەرىڭىزگە سالايىق، وسىدان بىرەر كۇن بۇرىن قىرعىزستان استاناسىنىڭ ورتالىعىندا 200-دەن استام قىرعىز قىتاي ساياساتىنا قارسى نارازىلىق شەرۋگە شىققان ەدى.

"The Qazaq Times"