گابون اسكەريلەرى توڭكەرىس جاساماق بولدى

گابون مەملەكەتىندەگى رەسپۋبليكالىق گۆارديا ساربازدارى مەملەكەتتىك ستانتسيانى باسىپ العان.  

Euronews مالىمەتتەرى بويىنشا، ساربازدار ەل پرەزيدەنتى الي بەن بونگو ونديمبوعا قارسى قول جيناعان. بىراق، مەملەكەتتىك ستانتسيانى كۇشپەن باسىپ العان ساربازدار قولعا ءتۇسى. قازىرگى ۋاقىتتا بيلىك وكىلدەرى جاعدايدى باقىلاۋدا ۇستاپ وتىر.

گابون تۇرعىندارى مەملەكەت باسشىسىن ءبىراز ۋاقىت بويى ەلدەن كورمەگەن. جاڭا جىل قارساڭىندا الي بونگو حالىققا دەگەن قۇتتىقتاۋىن ماروككودان جولداعان. باس كوتەرۋشى اسكەريلەر پرەزيدەنتتىڭ بۇل قىلىعىن قۇپ كورمەي، بيلىك باسشىسىن اۋىستىرۋدى تالاپ ەتتى. وسىلايشا، ەل اراسىندا «جەمقور، ادىلەتسىز باسشى» اتانعان پرەزيدەنتتى ورنىنان قۋىپ، توڭكەرىس جاساماق بولعان.

ايتا كەتەيىك، الي بونگو گابوندى 2009 جىلدان بەرى باسقارىپ كەلەدى. 2016 جىلى وتكەن كەزەكتى پرەزيدەنت سايلاۋىندا جەڭىسكە جەتكەنمەن، جەرگىلىكتى حالىق پەن وپپوزيتسيا وكىلدەرى «بيلىك جالعان سايلاۋ وتكىزدى» دەپ قارسىلىق بىلدىرگەن.

"The Qazaq Times"