تۇركيا باسشىسى ترامپ كەڭەسشىسىن ايىپتادى

تۇركيا پرەزيدەنتى رەجەپ تايىپ ەردوعان سۇرياعا بايلانىستى اق ءۇي ۇلتتىق قاۋىپسىزدىك كەڭەسشىسى دجون بولتوندى ايىپتادى.

«بولتوننىڭ يزرايلگە بارعان ساپارى كەزىندە، تۇركيا ءسۇريادا كۇردتەرمەن كۇرەسىپ جاتىر دەگەن مالىمدەمەسى جالعان. مۇنداي كوزبوياۋشىلىقپەن ويىناعاندار، بەيبىت قوعامنىڭ اراسىنا ىرىتكى سالادى. ءبىز بۇل جاعدايدى جاۋاپسىز قالدىرمايسىز» دەپ، تۇركيا باسشىسى ءوز ويىن جەتكىزدى.

سونىمەن قاتار، انكارا سۇرياداعى تەرروريستەرمەن كۇرەسۋ ءۇشىن قاجەتتى قادامدارعا بارىپ جاتقاندىعىن جانە بارلىق ءدىني راديكالدى ۇيىمداردى قۇرتۋ، انكارانىڭ الدىنداعى مىندەتى ەكەندىگىن ايتتى.

بۇدان بولەك، ەردوعان سۇرياداعى تەررورلىق ۇيىمدارمەن كۇرەستى نىقتاپ قولعا الاتىندىن جانە وزگە دە قارسى كەلگەن تەررورلىق ءدىني توپتاردى دا تولىقتاي قۇرتۋعا دايىن ەكەندىگىن ەسكەرتتى.

ەستەرىڭىزگە سالا كەتەيىك، وسىدان ءبىراز ۋاقىت بۇرىن دونالد ترامپ سۇرياداعى دايش تەررورلىق ۇيىمىنىڭ ءسۇريا اۋماعىنان جويىلعاندىعىن مالىمدەپ، قالعان تەررورلىق ۇيىمدارمەن كۇرەستى تۇركياعا قالدىرعان بولاتىن. وسىدان كەيىن، اقش اسكەرىن ءسۇريا اۋماعىنان شىعارۋدى بۇيىردى.