فوتو: 24tv.ua

"Samsung كومپانياسى دا ساتىلىمىنىڭ تومەندەگەنى تۋرالى جىلدىق ەسەپ دايىنداۋدا", دەپ جازادى Reuters اقپاراتتىق اگەنتتىگى.

Institutional Brokers' Estimate System -ءنىڭ مالىمەتى بويىنشا، وڭتۇستىك كورەيالىق كومپانيانىڭ ءتورت كۆارتال بويىنشا تابىسى 11,85 ملرد دوللاردى قۇراعان. بۇل وتكەن جىلدىڭ ءدال وسى ۋاقىتىمەن سالىستىرعاندا 12 پايىزعا تومەن.

ساراپشىلار اتالعان كومپانيا تابىسىنىڭ تومەندەۋىنە قىتاي مەن اقش اراسىنداعى ساۋدا سوعىسىندا قىتاي ەكونوميكاسىنىڭ ناشارلاۋى سەبەپ بولىپ وتىر دەگەندى ايتادى.

«قىتايداعى Samsung ونىمدەرىنە سۇرانىستىڭ تومەندەۋى وسى ايماقتاعى Samsung چيپتەرىنىڭ دە  ازايۋىنا اكەلەدى. سونىمەن بىرگە،  قىتايداعى جالپى سمارتفوندار نارىعىنىڭ تارىلۋى Apple-ءدى عانا ەمەس،  Samsung كومپانياسىنا دا كەرى اسەرىن تيگىزۋدە»، - دەيدى HM Investment & Securities -ءتىڭ  اعا ساراپشىسى سوڭ ميونگ-سۋپ.

ال، Counterpoint Research دەرەكتەرى بويىنشا، سوڭعى ءۇش ايدا قىتايداعى سمارتفوندار ساتىلىمى 8 پايىزعا تومەندەگەن.

ايتا كەتەيىك، بۇعان دەيىن Apple كومپانياسى دا تابىسىنىڭ 84 ملرد دوللارعا دەيىن تومەندەۋى مۇمكىن ەكەنىن ايتقان بولاتىن.

"The Qazaq Times"