رەسەيدىڭ بۇۇ-داعى وكىلى: رەسەي-اقش قاتىناسى قازىر نەگىزىنەن توقىراۋ كۇيىندە تۇر

«رەسەي مەن اقش قارىم-قاتىناسى قازىر نەگىزىنەن توقىرادى. بۇل رەسەي فەدەراتسياسى مەن قۇراما شتاتتارعا عانا ەمەس، بۇكىل الەمگە قولايسىزدىق تۋدىرادى». بۇل ءسوزدى رەسەيدىڭ بۇۇ-داعى تۇراقتى وكىلى ۆاسيلي نەبەنزيا ورتاعا سالدى. ونىڭ ايتۋىنشا، جاقىن ارادا اقش-رەسەي قاتىناسىنىڭ جاقسارۋىنان ءۇمىت جوق.

نەبەنزيا بىرقاتار ماسەلەلەر جونىندە جۋرناليستەردىڭ سۇحباتىن قابىلداعان كەزدە، ترامپ ۇكىمەتىنىڭ كورەي تۇبەگىنىڭ يادرولىق قارۋسىزدانۋىن قولعا كەلتىرۋ ءۇشىن، سولتۇستىك كورەيا ۇكىمەتىن كەلىسىمگە ىنتالاندىراتىن جۇمىستار الىپ بارۋى كەرەك ەكەنىن اتاپ وتكەن. ونىڭ پىكىرىنشە، قازىر سولتۇستىك كورەيانىڭ يادرولىق قارۋسىزدانۋ پروتسەسى توقىراۋ كۇيدە تۇر.

نەبەنزيا اتالعان پروتسەس وسى كۇيدە تۇرا بەرسە، سولتۇستىك كورەيا ماسەلەسى،  يادرولىق باعدارلاما مەن زىمىران سىناقتارى 2017 جىلعى جاعدايعا ۇقساس قۇلدىراپ، تاراپتار تالاس-تارتىس پەن ۇرىس-كەرىسكە كەتىپ قالۋى مۇمكىن دەپ الاڭدايتىنىن ايتقان.

رەسەي وكىلى سۇحباتىندا، اقش-يران ماسەلەسى تۋرالى دا ءوز پىكىرىن ايتادى. ول اقش-تىڭ يرانعا باعىتتاعان سانكتسيا شارالارى ناتيجەلى بولادى دەپ ەسەپتەمەيدى. «ەگەر اقش-تىڭ يرانعا باعىتتاعان سانكتسيا شاراسى ناتيجە بەرمەسە، تاراپتار ءبىر-بىرىنە توتەنشە جاعدايداعى شارالارعا ويىسىپ كەتۋ قاۋىپى بار»، – دەيدى رەسەي نەبەنزيا.

“The Qazaq Times”