سينگاپۋرداعى تاريحي "لايك" فوتو: VOA

وڭتۇستىك كورەيا رەسميلەرى تاراتقان مالىمەتكە قاراعاندا، اقش-تىڭ سولتۇستىك كورەيا ءىسى جونىندەگى ارنايى وكىلى ستيۆەن بەكون 19 جەلتوقسان كۇنى سەۋلدەگى رەسمي ساپارىن باستاعان. ول وڭتۇستىك كورەيانىڭ رەسمي لاۋازىمدى تۇلعالارىمەن كەلىسسوز جۇرگىزۋ ارقىلى اقش-كحدر اراسىنداعى كەلىسسوزدىڭ كەدەرگىلەرىن جويۋعا تىرىسادى.

ستيۆەن بەكون وتكەن ايدا اقش-وڭتۇستىك كورەيا اراسىنداعى ۇيلەستىرۋ جۇمىس توبىنا قاتىسىپ، سولتۇستىك كورەياداعى ۇيلەستىرۋ جۇمىستارىن اتقارعان. ول سونداي-اق وڭتۇستىك كورەيانىڭ بىرىكتىرۋ مينيسترلىگىنىڭ وكىلدەرىمەن دە كەزدەسەدى.

بيىل جىل باسىنان بەرى وڭىرلىك، ءتىپتى جاھاندىق قاۋىپسىزدىككە كەرى اسەرىمەن بەلگىلى كورەي تۇبەگى ماسەلەسىندە وڭ وزگەرىستەر كورىندى. ايتالىق، وڭتۇستىك پەن سولتۇستىك كورەيا اراسىندا بارىس-كەلىس ورناپ، ەكى ەل باسشىلارى ءۇش مارتە رەسمي كەزدەسۋ وتكىزدى. ءتىپتى، جىل سوڭىنا دەيىن سولتۇستىك كورەيا باسشىسى كيم جوڭ ۋن سەۋلگە ساپارلاي بارۋى دا مۇمكىن.

سولتۇستىك كورەيا باسشىسى ماۋسىم ايىندا اقش پرەزيدەنتى دونالد ترامپپەن سينگاپۋردا  تاريحي كەزدەسۋ وتكىزدى. بۇل كورەي حالىقتىق دەموكراتيالىق رەسپۋبليكاسى تاريحىندا اقش پرەزيدەنتىمەن كەزدەسكەن العاشقى باسشى بولىپ قالدى. بۇل كەزدەسۋدە كيم جوڭ ۋن سولتۇستىك كورەيانىڭ يادرولىق باعدارلامالارىنان باس تارتۋعا ماقۇل بولعان. دەگەنمەن، پيوڭياڭ بيلىگى (پحەنيان) يادرولىق قارۋلارىن جوعالتۋعا اسىعار ەمەس.

ساراپشىلاردىڭ پىكىرىنشە، اقش پەن سولتۇستىك كورەيا اراسىندا يادرولىق قارۋعا بايلانىستى كەلىسسوزدەر ەندى عانا نەگىزگى ساتىعا ءوتتى. وتكەن اپتاادا اقش لاۋازىمدىلارى جاساعان مالىمدەمەدە «ەكى ەلدىڭ يادرولىق قارۋدان باس تارتۋ تۋرالى كەلىسسوز بەتالىسى جاقسى» دەگەن بولاتىن. الايدا، بۇل مالىمدەمەلەرگە اقش لاۋازىمدى تۇلعالارىن قامتىعان كوپتەگەن ادامدار كۇمانمەن قارايدى.

قازىر اقش پەن سولتۇستىك كورەيا اراسىنداعى بىردەن ەڭ نەگىزگى قايشىلىق مىنادا: سولتۇستىك كورەيا تارابى كەلىسسوزدە اقش-تىڭ سانكتسيالارىن جەڭىلدەتۋدى، وسى ارقىلى يادرولىق قارۋدان باس تارتقاننان كەيىن ەكى ەل قاتىناسىنىڭ جاقسى بولاتىنىن دالەلدەۋ تالابىن قويادى; ال، اقش تارابى سولتۇستىك كورەيا يادرولىق قارۋدان تۇبەگەيلى باس تارتقانعا دەيىن سانكتسيانى جەڭىلدەتپەيتىنىن ايتادى. ءارى، الەم ەلدەرىن بۇۇ سانكتسياسىن قاتاڭ ساقتاۋعا شاقىرادى.

“The Qazaq Times”