فوتو: ntv

12 جەلتوقسان ستراسبۋرگتە ازا تۇتۋ كۇنى بولىپ جاريالاندى.

فرانتسيانىڭ شىعىسىنداعى ستراسبۋرگ قالاسىندا بەلگىسىز بىرەۋ تۇرعىندارعا وق جاۋدىرىپ، سالدارىنان ءۇش ادام قازا تاپقان. جارالاعاندار سانى ون ەكىگە جەتتى. وقيعا قالا ورتالىعىنداعى ساۋدا ورنىندا بولعان. وسىعان بايلانىستى فرانتسيادا قاۋىپتىڭ ەڭ جوعارعى دەڭگەيى جاريالانىپ، ورتالىق تولىق قورشاۋعا الىندى. ەندى قالاداعى بارلىق تۋلار تومەن ءتۇسىرىلىپ، جارمەڭكە جابىق بولادى. سونداي-اق بۇل كۇنى ءتۇرلى ويىن-ساۋىق شارالارى وتپەيدى.

قازىرگى ۋاقىتتا كۇدىكتى ىزدەستىرىلىپ جاتىر. فرانتسيا ءىىم كريستوف كاستانەردىڭ مالىمدەۋىنشە، 29 جاستاعى بۇل ەر ادام قوعام ءۇشىن قاۋىپتىلەر تىزىمىندە بولعان.

"The Qazaq Times"