يرلانديا ءيزرايلدىڭ باسىپ العان تەرريتوريالارىنا قارسى زاڭ شىعاردى

يرلانديانىڭ سەناتى ءيزرايلدىڭ پالەستينا جەرىندە قۇرعان ەلدىمەكەندەرىمەن ساۋدا-ساتتىقتى شەكتەۋ تۋرالى زاڭ شىعاردى. جاڭا زاڭ بويىنشا باتىس شەريا، شىعىس يەرۋساليم سەكىلدى زاڭسىز قۇرىلعان ەلدىمەكەندەردەن قىزمەت نەمەسە تاۋار ساتىپ الۋعا شەكتەۋ قويادى. ەگەر پارلامەنتتىڭ تومەندى پالاتاسى قابىلداسا، يرلانديا يزرايل وتارشىلدىعىنا قارسى العاش رەت زاڭ شىعارعان ەۋروپالىق ەل بولماق. 

زاڭ جوباسى شىلدە ايىنان بەرى جاسالىپ كەلە جاتقان. زاڭ جوباسىن جاساۋشى سەناتورلار سول ەلدەگى الەۋمەتتىك جەلى ارقىلى جاساعان مالىمدەمەسىندە، سەناتتا اتالعان زاڭ جوباسى تاڭقالارلىق تەز ءوتىپ بولعانىن، الداعى ۋاقىتتا پارلامەنتتىڭ تومەنگى پالاتاسى قابىلداسا، يرلانديا ءيزرايلدىڭ زاڭسىز تۇرعىن ايماقتارى تۋرالى زاڭ شىعارعان العاشقى ەۋروپالىق ەل بولاتىنىن ايتتى. سونداي-اق، بۇل زاڭ جوباسى كۇشتى قولداۋمەن بەكىتىلەدى دەپ سەنىم بىلدىرگەن.

يرلانديا سەناتىندا بەكىتىلىپ بولعان زاڭ تۋرالى يزرايل بيلىگى كۇشتى نارازىلىق تانىتتى. ءيزرايلدىڭ يرلاندياداعى ەلشىلىگى بۇل زاڭدى "قاۋىپتى ءارى پوپۋليستىك زاڭ جوباسى" دەپ باعالاعان.

“The Qazaq Times”