رەسەي يادرولىق قارۋىن قوزعاپ، ەۋروپا مەن امەريكانى قورقىتتى

“The New York Times” باسىلىمى رەسەيدىڭ كوپ جىلدان بەرى سىناق جاساپ دامىتقان «SSC-8» يادرولىق زىمىراندى ۆولگوگراد ماڭىنداعى زىمىران سىناق ورنىنان جوتكەپ، وپەراتسيالىق ءبىر بازاعا ورنالاستىرعانىن حابارلادى. حابارعا قاراعاندا اتالعان سىناق الاڭداعى ەكى يادرولىق زىمىراننىڭ بىرەۋى، وتكەن جىلدىڭ جەلتوقسان ايىندا ورىن اۋىستىرعان. رەسەيدىڭ بۇل ارەكەتى اقش ورتالىق بارلاۋ ۇيىمىنا الاڭداۋشىلىق تۋدىردى.

فوتو: ۋكراينا نوۆيني

اقش ورتالىق بارلاۋ ۇيىمى بۇل زىمىراندى «SSC-8» دەپ تۇراقتاندىرعان. الايدا، ءالى دە سىناق ساتىسىندا ەكەنىنە سەنىمدى ەمەس. سەبەبى، مۇنداي قارۋلاردىڭ سىناق مەرزىمىنەن وتكەندىگىن، وپەراتسيالارعا دايىن ەكەنىن بىلدىرەتىن «ح» ءارىبى الىنىپ تاستالعان.

ۇلىبريتانيا. پەنتاگون تارابى رەسەيدىڭ 1987 جىلى جاسالعان ورتا قاشىقتىقتا، قۇرلىقتان اتىلاتىن زىمىراندارعا تيىم سالۋعا باعىتتالعان – «ورتا قاشىقتىقتاعى يادرولىق قارۋ كەلىسىمىن» بۇزعانىن ايىپتاپ وتىر. رەسەيدىڭ يادرولىق زىمىرانداردى دامىتۋ ارەكەتى باتىس پەن امەريكانى الاڭداتاتىندىعى ايتپاسا دا تۇسىنىكتى. اتالعان تاراپتار قازىرگى كەزدە، رەسەيدىڭ كەلىسىمدى بۇزۋ ارەكەتىن تەكسەرۋ ۇسىنىستارىن جاساپ وتىر. ول دا بولسا، اقش پەن ەۋروپا ەلدەرىنىڭ ساياسي ويىنداردا رەسەيگە ۇپاي بەرىپ قويماۋى ءۇشىن كەرەك بولىپ وتىر.

“The Qazaq Times”