كابۋلداعى تەررورلىق شابۋىل. فوتو: انادولى.

اۋعانستاننىڭ ورتالىق قالاسىنداعى جويقىن جارىلىستان جانە قارۋلى شابۋىلدان 10 ادام قازا تاۋىپ،  30-عا جۋىق ادام زارداپ شەكتى. شابۋىل كابۋلدىڭ ديسپيچەري اۋدانىنداعى بريتان قاۋىپسىزدىك كۇشتەرىنە باعىتتالعان. بۇل تۋرالى اۋعانستاننىڭ تەلەارنالارى حابارلادى.

حاباردا شابۋىلدى كىمدەردىڭ ۇيىمداستىرعانى تۋرالى انىق مالىمەت جوق. اۋعانستان قاۋىپسىزدىك باسقاراماسىنىڭ ءباسپاسوز حاتشىسى باسير ءمۇجاھيدتىڭ بەرگەن مالىمەتىندە، لاڭكەستەردىڭ ءبىرى جارىلعىش تيەلگەن كولىكپەن اعىلشىن قاۋىپسىزدىك كۇشتەرى ورنالاسقان عيمارات قاقپاسىنىڭ الدىندا جارىپ جىبەرگەن.

جارىلىس بولا سالىسىمەن قارۋلى سودىرلار عيماراتقا باسىپ كىرگەن. قاۋىپسىزدىك كۇشتەرى مەن لاڭكەستەر اراسىندا اتىس  10 ساعاتقا جۋىق جالعاسقان. اتىس كەزىندە 4 قارۋلى لاڭكەس ولتىرىلگەن. زالالسىزداندىرىلعان لاڭكەستەردى قوسقاندا 10 ادام قازا تاۋىپ، 29 ادام جاراقات العان.

قازىر اۋعانستان ۇكىمەتى تاليباندارمەن كەلىسسوز جۇرگىزۋگە كۇش سالۋدا. الايدا، بۇل قۇلشىنىستارى تەررورلىق توپتاردىڭ قارۋلى شابۋىلدارىن توقتاتا الار ەمەس.

“The Qazaq Times”