فوتو: azattyq.org

تاليبان راديكالدى توبى اۋعانستاننىڭ باتىس ايماعىندا ورنالاسقان فاراح اكىمشىلىك اۋماعىنا شابۋىل جاسادى.  اتالعان ۇرىس كەزىندە 22 ءتارتىپ ساقشىسى قازا تاۋىپ، تاعى دا 5 پوليتسيا قىزمەتكەرى جارالانعان. 

اۋەل باستا امەريكا قۇراما شتاتتارىنىڭ جاقتاسى بولعان تاليبان ۇيىمى, بىلتىر رەسەيمەن وداقتاس بولۋعا نيەت بىلدىرگەن ەدى. راديكالدى ۇيىمنىڭ مۇنداي شەشىم قابىلداعانى كوپشىلىك ءۇشىن ۇلكەن جاڭالىق بولعاندىعى بەلگىلى. ءتىپتى، بۇل كەلىسسوزدەرگە وزىندىك پىكىرىن دە اشىق ايتقان بولاتىن. سول كەزەڭدە تاليبان ۇيىمى رەسەي شەگاراسىنىڭ قاۋىپسىزدىگىنە كەپىل بەرىپ، سۇرياداعى يگيل جاساعى ورتاق جاۋى ەكەندىگىن دە مالىمدەگەن.

بيىل ماسكەۋدە وتكەن بەيبىتشىلىك كەلىسسوزىنە تاليبان ۇيىمىنىڭ 4 وكىلى قاتىساتىندىعى بەلگىلى بولعان. الايدا، اۋعانستان سىرتقى ىستەر مينيسترلىگى باس تارتقاننان كەيىن تاليبان جاعى دا شاقىرتۋدان باس تارتاتىندىقتارىن جەتكىزدى.

جالپى، اقش-پەن اراداعى ىنتىماقتاستىعى جوعالا باستاعان راديكالدى توپ، ەندى رەسەيگە قاراي بەت بۇرۋدا. بىراق، سودىرلاردىڭ سۇرەڭسىز ساياساتتى ۇستاپ وتىرعاندىعىن بايقاعان فەدەراتسيا ءالى ناقتى ءبىر شەشىم قابىلداي قويعان جوق.

"The Qazaq Times"