دجەك ريد: دونالد ترامپ تسرۋ مالىمدەمەسىن بۇرمالاپ جەتكىزدى

اقش اسكەري كۇشتەرىنىڭ كوميتەت مۇشەسى رود-ايلەند شتاتىنىڭ سەناتور-دەموكراتى دجەك ريد دونالد ترامپتى جامال حاشوگگي ءولىمى تۋرالى تسرۋ-دىڭ مالىمدەمەسىن جالعان ەسكەرتتى دەپ، ايىپتاپ وتىر. ونىڭ ايتۋىنشا، ساۋد ارابيا تاق مۇراگەرى مۇحاممەد بين سالمان  جۋرناليستىڭ ولىمىنە تىكەلەي تاپسىرما بەرگەن.

ساياساتكەر CNN تەلەارناسىنا بەرگەن سۇحباتىندا ءجۋرناليستىڭ، اقش پرەزيدەنتى تەرگەۋ تۋرالى ناقتى شەشىمدى ايتتى ما دەگەن سۇراعىنا: «تسرۋ ساۋد ارابياسىنىڭ تاق مۇراگەرى جامال حاشوگگيدىڭ ولىمىنە تىكەلەي قاتىسى بار ەكەندىگىن انىقتادى، بىراق، ترامپ ونى باسقاشا جەتكىزدى» دەپ مالىمدەگەن.

ونىڭ ويىنشا، تسرۋ مۇنداي شەشىمدە تەرگەۋ كەزىندەگى فاكتىلەر مەن ساراپتاما قورىتىندىسىنا سۇيەنگەن.

سونىمەن قاتار، سەناتور ەر-رياد پەن اق ءۇي اراسىنداعى قارجىلاي بايلانىستىڭ وتە مىقتى ەكەندىگىن جەتكىزدى. وسىلايشا دونالد ترامپ ءبىر مەزەتتە ساۋديالىقتاردىڭ تۇتقىنىنا اينالىپ كەتكەن.

بۇدان بۇرىن اقش باسشىسى «تسرۋ بۇل ىسكە تاق مۇراگەرىنىڭ قاتىسى جوق ەكەندىگىن ايقىندادى» دەپ مالىمدەگەن ەدى.

ەستەرىڭىزگە سالا كەتەيىك، جامال حاشوگگي 2 قازاندا ىستامبۇلداعى ساۋد ارابيا كونسۋلدىعىندا ءىزىم-عايىم جوعالىپ كەتكەن. بىرنەشە كۇننەن سوڭ مارقۇمنىڭ دەنە بولشەكتەرى قالا ماڭىنان تابىلدى. وتكەن اپتادا ساۋد ارابياسى حاشوگگيدى كونسۋلدىقتا «قىلقىندىرىپ ولتىرگەنىن» مويىنداپ، حالىقارالىق قاۋىمداستىقتىڭ قاتاڭ سىنىنا ۇشىرادى. بۇل تاراپ «حاشوگگي ىسىنە» قاتىسى بار ون سەگىز ادامدى تۇتقىنعا الدى جانە جوعارى شەندى بەس كەڭەسشىنى لاۋازىمىنان ايىردى.

“The Qazaq Times”