سوڭعى كەزدە ءۇندىستان مەن رەسەي اراسىنداعى بايلانىس نىعايا تۇسكەن سىڭايلى. وسىدان ءبىراز ۋاقىت بۇرىن عانا س-400 زىمىرانىنا تاپسىرىس بەرگەن ۇندىستەر، ەندى 11356 فرەگاتتى جوباسىنىڭ ەكى نۇسقاسىن ءوز ەلدەرىندە قۇراستىرۋعا كەلىسىم الدى.

قازىرگى تاڭدا اتالعان جوبانىڭ ناقتى قۇنى قانشا بولعاندىعى بەلگىسىز. الايدا، قىركۇيەك ايىنىڭ ورتاسىندا «ەكونوميك تايمس» بۇل كەلىسىمدى شامامەن 2,2 ميلليارد دوللارعا باعالانىپ وتىر دەپ جازعان بولاتىن.

كەلىسىمگە ساي 4 فرەگاتتىڭ ەكەۋى رەسەيدە قۇراستىرىلسا، ەكەۋى ءۇندىستاندا جيناقتالادى دەپ جوسپارلانۋدا. قازىرگى بولجام بويىنشا 11356 جوباسىنىڭ كورپۋسى قارا تەڭىز فلوتىندا جيناقتالۋدا. سول سەكىلدى اتالعان ونەركاسىپ ورىنى ءوزىنىڭ جۇمىسىن ارى قاراي دا جالعاستىرا بەرەتىن بولادى.

"The Qazaq Times"