اراب ەلدەرىنىڭ كايردە وتكەن ءماجىلىسى. فوتو: Al-Manar.

اراب ەلدەرى وداعىنىڭ جينالىسىندا ءيزرايلدىڭ پالەستيناعا جاساعان شابۋىلدارى مەن جاۋلاۋ ارەكەتتەرىن ايىپتاپ، حالىقارالىق قاۋىمداستىقتان پالەستينانى قورعاۋعا الۋدى تالاپ ەتتى. بۇل تۋرالى «انادولى» اقپاراتتىق اگەنتتىگى حابارلادى.

كەزەكتى اراب ەلدەرى وداعىنىڭ ءماجىلىسى مىسىر ورتالىق قالاسى كايردە ءوتتى. جينالىستىڭ ورتاق دەكلاراتسياسىندا: «اراب ەلدەرى وداعى ءيزرايلدىڭ پالەستينالىقتارعا باعىتتاعان جوسپارلى قىرعىنداۋىن، اسكەري شابۋىلدارىن قاتاڭ ايىپتايدى»، – دەلىنگەن. سونداي-اق، بۇۇ مەن حالىقارالىق ۇيىمداردى پالەستينالىقتاردى قورعاۋعا شاقىرعان.

اتالعان ماجىلىستە يزرايل ۇكىمەتىن گازاعا جاسالعان شابۋىلداردىڭ باستى قىلمىسكەرى رەتىندە كورسەتەدى. ايتا كەتۋى كەرەك، كەزەكتى اراب ەلدەرىنىڭ ءماجىلىسى پالەستينانىڭ وتىنىشىمەن وتكىزىلگەن.

شىن مانىسىندە يزرايل مەن پالەستينا اراسىندا قاقتىعىستا اراب ەلدەرى السىزدىك تانىتىپ كەلەدى. پالەستينانىڭ بۇگىنگى تاعدىرىنا دا ۇقساماعان مۇددەمەن، ستراتەگيالىق باعىتتا بىرىگە الماعان تۇتاس اراب ەلدەرىنىڭ دە وزىندىك ۇلەسى بار.

“The Qazaq Times”