ترامپ-كيم سامميتىنەن كەيىن سولتۇستىك كورەيا العاش رەت جاڭا قارۋ سىناعىن وتكىزدى

اقش ۆيتسە-پرەزيدەنتى مايك پەنس اسەان ەلدەرىنىڭ سامميتىندە جاساعان مالىمدەمەسىندە، ۋاشينگتون سولتۇستىك كورەياعا باعىتتاعان سانكتسيا تەگەۋرىنىن بوساتپايتىنىن ايتتى جانە ۇيىمعا مۇشە ەلدەردى سولتۇستىك كورەيا تولىقتاي يادرولىق قارۋدان باس تارتقانعا دەيىن ەكونوميكالىق قىسىمدى جالعاستىرۋعا شاقىردى.

جۇما كۇنى اسەان جينالىسىندا جاساعان مالىمدەمەسىندە: «ءبىز سولتۇستىك كورەيا تولىق جانە دالەلدى تۇردە يادرولىق قارۋدان باس تارتۋىن قولعا كەلتىرگەنشە، بۇۇ قابىلداعان سانكتسيالاردى ساقتاۋعا، ەكونوميكالىق قىسىمدى جالعاستىرۋعا ءتيىسپىز»، – دەدى.

وسى كۇنى سولتۇستىك كورەيا باسشىسى جاڭا تاكتيكالىق قارۋدىڭ سىناعىن باقىلاپ وتكىزگەن. بۇل سولتۇستىك كورەيانىڭ بىرنەشە ايدان بەرگى قارۋ-جاراق جوبالارىنداعى جاڭا وقيعا بولدى. سىناقتان كەيىن كيم جوڭ ۋن: «بۇگىنگى سىناقتىڭ قورىتىندىسى پارتيانىڭ ۇلتتىق قورعانىس عىلىمى مەن تەحنيكاسىن شوعىرلى  دامىتۋىنىڭ دۇرىستىعىن دالەلدەدى. سونداي-اق، ەلىمىزدىڭ وڭىردە ەڭ قارقىندى دامىپ كەلە جاتقان قورعانىس مۇمكىندىكتەرىن ايگىلەدى. سونىمەن قوسا، اسكەري-جاۋىنگەرلىك قابىلەتتى سەرپىندى دامىتۋ كەرەك»، – دەدى.

ماۋسىم ايىندا وتكەن ترامپ-كيم سامميتىنەن بەرى قاراي، ەكى ەل اراسىندا بىرقاتار ديپلوماتيالىق جەتىستىكتەر بولدى. الايدا، يادرولىق قارۋدان باس تارتۋ ىسىندە سولتۇستىك كورەيا اقش كۇتكەن جەردەن شىعا بەرمەدى.

“The Qazaq Times”