اۋعانستان ارمياسىندا تاليبان جاقتاستارى پايدا بولۋدا

اۋعانستانداعى ناتو كۇشتەرى تاراتقان حاباردا، سەنبى كۇنى كابۋلدا كواليتسيا كۇشتەرىنە جاسالعان شابۋىلدا ءبىر امەريكالىق اسكەري قىزمەتكەر قازا تاۋىپ، ءبىر ادام جاراقات العانى ايتىلعان. مالىمەتتە، شابۋىل جاساۋشى اۋعانستان ۇكىمەتىنە قاراستى كۇشتەردىڭ اراسىندا جاسىرىنعان تەررورلىق توپتىڭ جاقتاسى بولۋى مۇمكىن ەكەنى ايتىلادى.

وسىعان دەيىن تاليبان كۇشتەرى تاراتقان حاباردا، اۋعانستان ۇكىمەتىنە قاراستى قارۋلى كۇشتەردىڭ قاتارىندا وزدەرىنىڭ جاقتاستارى بار ەكەنى ايتىلعان. ەكى اپتا بۇرىن اۋعانستاندا وسىعان ۇقساس شابۋىلدان تەررورلىق توپقا قارسى كۇرەستەگى اتى شىققان قاھارمان ابدۋللا زاكير قازا تاپقان بولاتىن.

حابارعا قاراعاندا، سەنبى كۇنگى شابۋىلدا قازا تاپقان امەريكالىق جاۋىنگەردىڭ ەسىمى تايلور، 7 بالانىڭ اكەسى. ول يۋتا شتاتىندا ۇلتتىق گۆاردياعا مۇشە بولعان جانە اۋعانستانعا كەلەردەن بۇرىن سولتۇستىك وگدەن قالاسىنىڭ مەرى دە بولعان. امەريكالىق باسىلىمداردىڭ حابارىنا قاراعاندا، تايلور اۋعانستاندا ەكىنشى رەت مىندەت وتەپ جۇرگەن. بۇlان بۇرىن يراكتا دا ەكى كەزەك اسكەري مىندەتتە بولعان.

“The Qazaq Times”