فوتو: aa.com.tr

ىستامبۇل قالاسىنىڭ باس پروكۋراتۋراسى جۇرگىزگەن زەرتتەۋ ناتيجەسىندە ەكونوميكالىق قىلمىسقا قاتىسى بار دەگەن كۇدىكپەن 417 ادامدى قاماۋعا الۋعا شەشىم قابىلداندى. بۇل تۋرالى «Hurriyet» اگەنتتىگى تۇركيانىڭ قارجىلىق قىلمىستاردى زەرتتەۋ جونىندەگى كەڭەسىنىڭ (MASAK) مالىمدەمەسىنە سىلتەمە جاساپ حابارلايدى.

اگەنتتىكتىڭ مالىمەتى بويىنشا، تۇركيا بيلىگى ەلدىڭ قارجىلىق جۇيەسى مەن ەكونوميكاسىنا زارار اكەلدى دەگەن كۇدىكپەن تۇتقىنداعان ازاماتتاردىڭ ۇستىنەن قىلمىستىق ءىس قوزعاۋعا ۇكىم شىعارعان. كۇدىككە ىلىنگەن ازاماتتاردىڭ تاراپىنان 2,5 ميللياردتان استام تۇرىك ليراسى (400 ملن دوللار) وزگە ەلدەرگە تيەسىلى 88 ەسەپشوتقا اۋدارىلعان جانە الىنعان. قارجىنى الۋشىلاردىڭ كوپشىلىگى اقش-تا تۇراتىن يراندىقتار ەكەنى انىقتالعان. وسى اقپارات اگەنتتىگىنىڭ حابارلاۋىنشا، بۇدان بۇرىن دا تۇركيادا يراننان، پاكىستاننان، يراكتان جانە اۋعانستاننان كەلگەن 283 زاڭسىز بوسقىن قاماۋعا الىنعان. تۇتقىندالعان بوسقىنداردىڭ بارلىعى ارنايى ورگانعا جەتكىزىلگەن ەدى.  ەسكە سالايىق، قىركۇيەك ايىنىڭ سوڭىندا پرەزيدەنت رەجەپ تايىپ ەردوعاننىڭ شەتەلدەگى، اسىرەسە اقش-تاعى قارسىلاستارىن تەكسەرۋ جۇمىستارى باستالعان ەدى.

“The Qazaq Times”