پەرۆان قالاسىنىڭ ماڭىندا تىكۇشاق قۇلادى. فوتو: Radio Farda.

كابۋلعا جاقىن ورنالاسقان پەرۆان قالاسىنىڭ ماڭىندا اۋعانستاننىڭ ارنايى جاساقتارى وتىرعان تىكۇشاق اپاتقا ۇشىرادى. جەرگىلىكتى اكىمشىلىكتىڭ بەرگەن مالىمەتىنە قاراعاندا، ارنايى جاساقتار وتىرعان تىكۇشاق كوح سافي اۋدانىنا قاراستى مانديكۋل جەرىندە قۇلاعان. بۇل تۋرالى اۋعانستاننىڭ تەلەارنالارى حابار تاراتتى.

مالىمەتتەرگە قاراعاندا تىكۇشاقتا 8 ارنايى جاساق جانە ءبىر پوليتسيا قىزمەتكەرى بولعان. قازىرگە دەيىن قازا بولعاندار تۋرالى انىق مالىمەت بەرىلمەدى.

رەسميلەر ۇشاق اپاتىنىڭ تەحنيكالىق اقاۋدان بولعانىن مالىمدەدى. دەگەنمەن، تاليبان ۇيىمى ۇقساس ۋاقىتتا مالىمدەمە تاراتىپ، اتالعان تىكۇشاق ۇيىمعا قاراستى قارۋلى توپتار جاعىنان قۇلاتىلعانىن ايتتى. ءارى، ارنايى جاساقتاردىڭ كوزىن قۇرتتىق دەستى.

ايتا كەتەيىك، بۇل سوڭعى ەكى اپتا ىشىندە  اۋعانستان ارمياسى جاعىنان اپاتقا ۇشىراعان ەكىنشى تىكۇشاق.

“The Qazaq Times”