اقش رەسەيدىڭ شەشىمىن قۇپتامايدى

اق ءۇي باسشىلىعى رەسەيدىڭ سۇرياعا اۋە شابۋىلىنا قارسى س-300 زەەنيتتىك زىمىرانىن ورناتۋعا قاتىستى پىكىر ءبىلدىردى.

پرەزيدەنت دونالد ترامپتىڭ قاۋىپسىزدىك جونىندەگى كەڭەسشىسى دجون بولتون نيۋ-يوركتەگى ءباسپاسوز ءماسليحاتىندا «ماسكەۋدىڭ كەزەكتى «قيسىنسىز ارەكەتى» ايماقتاعى احۋالدى ناشارلاتاتىنىن» ايتتى. سونىمەن قاتار، ول رەسەي وسى ۋاقىتقا دەيىنگى جاعدايلارلى نازارعا الىپ، شەشىمىن وزگەرتەدى دەگەن سەنىمدە.

ەسكە سالا كەتەيىك، وسى اپتادا رەسەي س-300 سۇريالىق اۋە شابۋىلىنا قارسى قورعانىس مۇمكىندىكتەرىن كۇشەيتۋ ماقساتىندا زىمىراندىق كەشەن ورناتاتىنىن مالىمدەدى. بۇدان باسقا ءسۇريا ارمياسىنىڭ كوماندالىق پۋنكتتەرى رەسەيدىڭ قارۋلى كۇشتەرىنە عانا جەتكىزىلەتىن اۆتوماتتاندىرىلعان باسقارۋ جۇيەلەرىمەن جاراقتاندىرىلادى.

"The Qazaq Times"