لوندون مەرى برەكسيت تۋرالى جاڭا رەفەرەندۋم وتكىزۋگە شاقىردى

لوندون مەرى ساديك حان ۇلىبريتانيانىڭ ەۋروپا وداعىنان شىعۋىنا قاتىستى ەكىنشى رەفەرەندۋم وتكىزۋگە ششاقىردى، - دەپ حابارلايدى lanouvellerepublique.fr.

حاننىڭ سوزىنشە، بريتانيالىقتار «سوڭعى سوزدەرىن ايتۋلارى كەرەك». «بۇل — ەۋرووداقپەن اراداعى كەز كەلگەن كەلىسىمشارتقا باعىتتالعان جالپىحالىقتىق داۋىس بەرۋدى بىلدىرەدى. ۇلىبريتانيا التى ايدان كەيىن قانداي دا ءبىر «جارامسىز كەلىسىمشارتپەن» بەتپە-بەت قالادى نەمەسە مۇلدە «كەلىسىمشارتسىز» قالۋى مۇمكىن" ، - دەپ جازعان لوندون مەرى «Observer» گازەتىنە جازعان ماقالاسىندا.

قازىرگى تاڭدا، ۇلىبريتانيانىڭ ەۋرووداق قۇرامىنان 2019 جىلدىڭ ناۋرىز ايىنىڭ سوڭىندا شىعاتىنى ناقتىلانسا دا، وسى ساياسي شەشىمگە قاتىستى تالاستى پىكىرلەر تولاستاماي تۇر. ماسەلەن، تەرەزا مەيدىڭ «برەكسيتكە» قاتىستى ساياساتىنا نارازى بولعانى ءۇشىن ۇلىبريتانيانىڭ سىرتقى ىستەر ءمينيسترى لاۋازىمىنان ءوز ەركىمەن كەتۋگە تىلەك بىلدىرگەن بوريس دجونسوننىڭ ساياسي امبيتسياسى كوپ تالقىلانۋدا. ال، تەرەزا مەي «برەكسيت» تۋرالى جاڭا رەفەرەندۋم «دەموكراتياعا جاسالعان ساتقىندىق» بولادى دەپ مالىمدەدى.  ايتا كەتۋ كەرەك، لوندون مەن ەو وسى جىلدىڭ قازان ايىنىڭ سوڭىنا دەيىن ۇلىبريتانيانىڭ وداق قۇرامىنان شىعۋىنا قاتىستى شارتتار تۋرالى كەلىسسوزدەردى اياقتاۋلارى كەرەك.

وتكەن اپتادا ەو-تىڭ «برەكسيتكە» قاتىستى كەلىسسوز جاساۋشى وكىلى ميشەل بارنە ۇلىبريتانيانىڭ وداق قۇرامىنان شىعۋ شارتتارى تۋرالى كەلىسىمشارتتار 6-8 اپتا ىشىندە بىرجاقتى ەتىلەتىنىن ايتىپ، مالىمدەگەننەن كەيىن فۋنت كۋرسى دا بىردەن ارتىپ كەتكەن.

 “The Qazaq Times”