فوتو: sport.inform.kz

تۇركيا پرەزيدەنتى رەجەپ تايىپ ەردوعان Twitter الەۋمەتتىك جەلىسىندەگى پاراقشاسىندا ءوزىنىڭ قىرعىزستان ساپارىنا قاتىستى پىكىر ءبىلدىردى، - دەپ حابارلايدى انادولۋ اگەنتتىگى.

«بيزنەس-فورۋم بارىسىندا (بىشكەكتە وتكەن تۇركيا-قىرعىزستان بيزنەس-فورۋمى — رەد.) ءبىز ينۆەستيتسيانى ىنتالاندىرۋعا باعىتتالعان بارلىق جاعدايدى قۇرۋعا دايىن ەكەنىمىزدى بىلدىردىك. ءبىزدىڭ مادەني بايلانىسىمىزدى نىعايتۋ شارالارى اياسىندا ءبىز بىشكەكتە سەراحسي مەشىتىن اشتىق. ءىىى بۇكىلالەمدىك كوشپەندىلەر ويىنىنىڭ اشىلۋ سالتاناتىنا قاتىستىق. بۇل قىرعىزستاننىڭ الەمدىك مادەني مۇراعا قوسقان ۇلەسى بولىپ ەسەپتەلەدى. اللا قالاسا 2020 جىلى وسى ويىننىڭ وتكىزىلۋىن ءبىز قولعا الامىز»، - دەپ جازعان تۇرىك ليدەرى. ەردوعان وسى ءىسساپارىنىڭ ەكىجاقتى قارىم-قاتىناستىڭ دامۋىنا جاعىمدى اسەر ەتەتىنىن دە قوسىپ ايتتى. ول ەكى ەلدىڭ دە ساياسات، ساۋدا جانە مادەنيەت سالالارىن دامىتۋعا تولىق دايىن ەكەنىن حابارلادى.

ايتا كەتۋ كەرەك، قىرعىزستاندا ءىىى بۇكىلالەمدىك كوشپەندىلەر ويىنى بولىپ، وعان قىرعىزستان پرەزيدەنتى سوورونباي جەەنبەكوۆ، قر پرەزيدەنتى نۇرسۇلتان نازارباەۆ، تۇركيا پرەزيدەنتى رەجەپ تايىپ ەردوعان، تاتارستان پرەزيدەنتى رۋستام ميننيحانوۆ، ۆەنگريا پرەمەر-ءمينيسترى ۆيكتور وربان ءجان باسقا دا ەلدەردىڭ جوعارى لاۋازىمدىلارى قاتىسقان ەدى.

“The Qazaq Times”