فوتو: برازيلياعا بوسقىندار اعىلۋدا

برازيليا پرەزيدەنتى ميشەل تيمەر برازيليانىڭ، سونىڭ ىشىندە ۆەنەتسيامەن شەكارالاس ورنالاسقان سولتۇستىك شتاتى رورايمانىڭ شەكارا قاۋىپسىزدىگىن قولعا الۋعا بۇيرىق بەردى. بۇل تۋرالى lemonde.fr حابارلايدى.

ەسكە سالايىق، جاقىندا پەرۋ بيلىگى ەكۆادورمەن شەكارالاس ايماقتاردا 60 كۇندىك توتەنشە رەجيم جاريالاعان ەدى. بۇل شەشىمىن ۆەنەسۋەلالىق بوسقىنداردىڭ اعىلۋى سالدارىنان تۇرعىندار دەنساۋلىعىنا قاۋىپ تونۋىمەن بايلانىستىرعان. «بۇگىن رورايما شتاتىنداعى ءتارتىپتى ورناتۋ ءۇشىن قارۋلى كۇشتەردى پايدالانۋعا رۇقسات بەردىم. بۇل ۆەنەسۋەلالىق بوسقىندار مەن برازيليالىق ازاماتتاردىڭ قاۋىپسىزدىكتەرى ءۇشىن كەرەك»، - دەگەن م.تيمەر تەلەۇندەۋدە.

نەگىزى، ۆەنەسۋەلا امەريكانىڭ سانكتسيالارى مەن مۇناي باعاسىنىڭ تومەندەۋىنىڭ سالدارىنان مەملەكەتتىك كىرىستەردىڭ ازايۋى مەن ينفلياتسيا وسىمىمەن، تاۋار تاپشىلىعىمەن، ەكونوميكالىق جانە ساياسي داعدارىستارمەن كۇرەسۋدە. وسىنىڭ سالدارىنان كوپتەگەن ۆەنەسۋەلالىقتار وزگە ەلدەردەن باسساۋعا ىزدەۋدە. وسى جىلدىڭ مامىر ايىندا بوسقىندار ماسەلەسى جونىندەگى حالىقارالىق ۇيىم  ۆەنەسۋەلانى جايلاعان داعدارىستىڭ سالدارىنان بوسقىنداردىڭ سانى 2017 جىلمەن سالىستىرعاندا 10 ەسە ارتقانىن حاارلاعان ەدى. ءدال وسىنداي جاعداي قازىرگى ۋاقىتتا لاتىن امەريكاسىنا دا تانىس. اقش-تىڭ ەكونوميكالىق قىسىمىنان ونداعى حالىق ءوز ۇيلەرىن تاستاپ، بوسقىندارعا اينالۋدا.

“The Qazaq Times”