بۇۇ-نىڭ حالىقارالىق سوتى يراننىڭ اقش-تىڭ بىرجاقتى سانكتسيالارىن توقتاتۋ تۋرالى تالابىنا سايكەس، تىڭدالىم باستادى. سوت توراعاسى ابدۋلكاۆي احمەت يۋسۋفتىڭ حابارلاۋىنشا، تىڭدالىم 30 تامىزعا دەيىن جالعاسپاق. تاراپتاردىڭ ارقايسىسىنا ءوز ۇستانىمدارىن بايانداۋ ءۇشىن ءتورت جارىم ساعاتتان بەرىلەدى. بۇل تۋرالى "worldbulletin.net" حابارلايدى.
يران بۇل تالاپتى شىلدە ايىندا تۇسىرگەن ەدى. ول بۇۇ-نىڭ حالىقارالىق سوتى ارقىلى اقش-تىڭ 1955 جىلعى «ەكونوميكالىق قارىم-قاتىناستار، كونسۋلدىق قۇقىقتار جانە دوستىق تۋرالى» ەكىجاقتى كەلىسىمشارت اياسىندا ءوزىنىڭ مىندەتتەرىن بۇزىپ وتىر دەپ تانىلعانىن، سونىمەن قاتار، ۋاشينگتون تاراپىنان ەنگىزىلگەن سانكتسيالاردىڭ تەز ارادا جوققا شىعارىلۋىن تالاپ ەتكەن. تەھران ۋاقىتشا شارا رەتىندە امەريكالىق بىرجاقتى سانكتسيالاردىڭ، اسىرەسە جولاۋشىلار ۇشاقتارىنىڭ ساتىلىمىنا قاتىستى سانكتسيالاردىڭ توقتاتىلۋىن تالاپ ەتكەن. بارىمىزگە بىلگىلى، وسى جىلدىڭ مامىر ايىندا اقش پرەزيدەنتى دونالد ترامپ ۋاشينگتوننىڭ «ورتاق قادام جان-جاقتى كەلىسىمشارتىنان» شىعاتىنىن، سونىمەن قاتار يرانعا جاڭا سانكتسيالار ەنگىزەتىنىن مالىمدەگەن ەدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى