تاۋ شىڭدارىنا ءۇش ءبيدىڭ ەسىمى بەرىلەدى

كەشە، 10 شىلدە كۇنى تۇركىستان وبلىسىندا «بۇل — ءبىزدىڭ تاۋلار!» اتتى  فەستيۆال باستالدى. ءۇش كۇنگە سوزىلاتىن بۇل  شارا «سايرام-وگەم» مەملەكەتتىك تابيعي ۇلتتىق پاركىنىڭ اۋماعىندا وتەدى.

فەستيۆالگە قاتىسۋعا  قاراعاندى، اقتوبە، تۇركىستان وبلىستارىنان جانە شىمكەنت قالاسىنان 30-عا جۋىق الپينيست ارنايى كەلگەن.

وبلىس اكىمدىگىنىڭ ۇيىمداستىرۋىمەن قولعا الىنعان بۇل شارانىڭ ماقساتى — ىشكى، سپورتتىق-ەكولوگيالىق ءتۋريزمدى دامىتۋ، وبلىستىڭ تۋريستىك الەۋەتىن ناسيحاتتاۋ جانە «رۋحاني جاڭعىرۋ» باعدارلاماسىن جۇزەگە اسىرۋ.

بۇل فەستيۆال تولە بي، قازىبەك بي جانە ايتەكە بي سياقتى قازاق حالقىنىڭ ۇلى قايراتكەرلەرىنە ارنالعان.  ەلباسىنىڭ «رۋحاني جاڭعىرۋ» باعدارلاماسى اياسىندا 3 شىڭعا 3 ءبيدىڭ اتى بەرىلىپ، الپينيستەر سول 3 شىڭدى باعىندىرادى.

فەستيۆال اياسىندا  ۇلتتىق سپورت تۇرلەرىنەن دە كوپتەگەن سايىستار وتەدى. سونىمەن قاتار، كونتسەرتتىك باعدارلاما دا ۇيىمداستىرىلعان.

“The Qazaq Times”