فوتو: 20minutes.fr

مۇسىلمان ايەلدەرىنىڭ كيىمىنە قاتىستى قالجىڭى ءۇشىن باسى داۋعا قالعان  لوندوننىڭ ەكس-باسشىسى ءارى ۇلىبريتانيانىڭ بۇرىنعى سىرتقى ىستەر ءمينيسترى بوريس دجونسون وسى ءىسى ءۇشىن كەشىرىم سۇراۋدان باس تارتتى. ونىڭ كەشىرىم سۇراۋىن ۇلىبريتانياداعى «كورسەرۆاتورلىق پارتيا» ليدەرى برەنسون ليۋيس تالاپ ەتكەن ەدى. بۇل تۋرالى «بي-بي-سي» اگەنتتىگىنىڭ فرانتسۋز قىزمەتى حابارلايدى.  

ەكس-مينيستر ءوزىنىڭ «Telegraph» باسىلىمىنداعى باعانىندا جابىنىپ جۇرەتىن مۇسىلمان ايەلدەرىن بانك توناۋشىلارىنا ۇقساتىپ، «ولاردىڭ كوشەدە پوشتا جاشىكتەرىن ەلەستەتىپ جۇرەتىنىن» «ميعا سىيمايتىن قىلىق» دەپ اتاعان ەدى. ب.دجونسونعا جاقىن ءبىر اقپارات قۇرالى «بي-بي-سي»-گە بەرگەن پىكىرىندە: «بۇرىنعى ءسىم باسشىسى وتە كۇردەلى ماسەلەگە قاتىستى تەك  پىكىرىن ءبىلدىردى ءارى وسى ءۇشىن ونى سىناۋ «اقىلعا قونىمسىز»، -دەگەن.

دجونسون ءوزىنىڭ ماقالاسىندا بەتتى جاۋىپ تۇراتىن كيىمگە قاتىستى پىكىرىن ايتىپ، سونداي كيىمدەردىڭ «وتە ەرسى» كورىنەتىنىن جازعان.  ونىڭ ويىنشا، دانيا سياقتى مۇسىلمان ەلدەردەگىدەي جابىق كيىمدەر تۋرالى زاڭدار تىم ارتىق ءارى شىعىس پەن باتىس «وركەنيەتىنىڭ قاقتىعىسى» تۋرالى ايتۋشى راديكاليستەردىڭ پايداسىنا جارايدى.

“The Qazaq Times”