«ازاماتتارعا ارنالعان ۇكىمەت» مەملەكەتتىك كورپوراتسياسى «تسيفرلىق قازاقستان» مەملەكەتتىك باعدارلاماسى اياسىندا كوپتەگەن ءىس-شارالار مەن پروەكتىلەردى جۇزەگە اسىرۋدا. وسى ورايدا ىسكە قوسىلعان جانە سوڭعى ۋاقىتتا تانىمالدىلىققا يە جوبالاردىڭ ءبىرى  - ءموبيلدى ۇكىمەت بازاسىندا تىركەلۋ بولىپ تابىلادى. ءار ادام جەكە ساندىق نومەرىنە  ۇيالى تەلەفون نومەرىن تىركەۋ ارقىلى قازىرگى تاڭدا 44 مەملەكەتتىك قىزمەت تۇرلەرىنە قول جەتكىزە الادى. جاڭا وقۋ جىلى قارساڭىندا فرونت-وفيستەردە مەكتەپتەر مەن بالاباقشالار تاراپانىنان تالاپ ەتىلەتىن انىقتامالاردى الۋ ماقساتىمەن كەلەتىن حالىقتىڭ ۇلكەن لەگى بايقالادى، ال موبيلدىك ۇكىمەت سۇرانىسقا يە مەملەكەتتىك قىزمەت تۇرلەرىن ۇيالى تەلەفون كومەگىمەن الۋعا مۇمكىندىك بەرۋدە.  سونىمەن قاتار جۋىردا وتكىزىلگەن تولىقتىرۋلار مەن وزگەرتۋلەرگە بايلانىستى، موبيلدى بازادا تىركەلگەن ازاماتتار ءۇشىن «ءۇشىنشى تۇلعالارعا انىقتامالار» الۋ قولجەتىمدى ەكەندىگىن ەسكە سالامىز. ياعني، مەكەمە قىزمەتكەرى انىقتاما الۋعا سۇرانىس جىبەرسە، ازاماتتار ونى سمس ارقىلى راستايدى. وسىلايشا، مەملەكەتتىك قىزمەتتى الۋ وڭتايلاندىرىلعان. جاڭا وقۋ جىلىندا ساتتىلىك تىلەي وتىرىپ، موبيلدىك ۇكىمەتتە تىركەلگەن ازاماتتار قاتارىندا بولۋعا شاقىرامىز!

“The Qazaq Times”