اقش پرەزيدەنتىنىڭ ارەكەتى ايماقتاعى قاۋىپسىزدىكتى بۇزۋدا. بۇل تۋرالى كەشە، سەيسەنبى كۇنى يراندىق «Al Mayadeen» تەلەارناسى يران پارلامەنتىنىڭ سپيكەرى ءالي ءلاريدجانيدىڭ سوزىنە سىلتەمە جاساپ حابارلادى، - دەپ جازادى ajanshaber.com.
«ترامپ جاساعان قادامدار ايماقتىڭ قاۋىپسىزدىگىنە نۇقسان كەلتىرۋدە. ولار دۇشپاندىقتى جالعاستىرۋدا. بۇل — ءبىزدىڭ تاراپىمىزدان دا جاۋاپسىز قالمايدى» ، - دەگەن ءا.لاريدجاني. وسى جىلدىڭ مامىر ايىندا اقش «ورتاق قادام جان-جاقتى باعدارلاماسى» اتتى يادرولىق كەلىسىمنەن شىعاتىنى تۋرالى جاريالاپ، يرانعا قارسى ەسكى سانكتسيالارمەن شەكتەلمەي، جاڭا سانكتسيالار دا ەنگىزەتىنىن مالىمدەگەن ەدى. ول ۋاشينگتوننىڭ «ورتاق قادام جان-جاقتى باعدارلاماسىنىڭ» ورنىنا جاڭا كەلىسىمشارت جاساۋعا دايىن ەكەنىن دە ايتقان ەدى. الايدا، اقش بۇل ءۇشىن يرانعا ورىندالۋى مۇمكىن ەمەس شارت قويعان ەدى. ەندى، اقش سانكتسيالارىنىڭ ءبىرىنشى بولىگى وسى دۇيسەنبىدەن سەيسەنبىگە قاراعان ءتۇنى باستالدى. بۇل سانكتسيالار ەڭ الدىمەن يراننىڭ اۆتوكولىكقۇرىلىس سەكتورى مەن التىننىڭ ساۋداسى مەن كوپتەگەن مەتاللداردى قامتيدى. قالعان سانكتسيالار وسى جىلدىڭ 5-قاراشاسىندا كۇشىنە مىنبەك. ولار الدىمەن يراننىڭ ەنەرگەتيكا سالاسىن، مۇنايعا قاتىستى كەلىسىمشارتقا باعىتتالماق.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى