ەو ازاماتتىق بەرۋدىڭ جاڭا ەرەجەلەرىن جاريالاماق

ەۋروكوميسسيا وسى جىلدىڭ قىركۇيەك ايىندا ەو ەلدەرىنىڭ ازاماتتىعىن بەرۋگە قاتىستى جاڭا ەرەجەلەر جاريالاۋدى جوسپارلاۋدا. بۇل تۋرالى ەۋروكوميسسيانىڭ ادىلەت ىستەرى جونىندەگى كوميسسارى حابارلادى، - دەپ جازادى «Spiegel».

ەۋروكوميسسيا ەو ەلدەرىن ازاماتتارعا ازاماتتىق بەرەر كەزدە ساق بولۋعا شاقىرۋدا. «ەۋروكوميسسيا «التىن تولقۇجات» دەپ اتالاتىن جاعدايدىڭ رەتتەلۋىن ۇلكەن الاڭداۋشىلىقپەن قاداعالايدى»، - دەگەن ەۋروكوميسسار. ونىڭ ايتۋىنشا، سوڭعى جىلدارى  قىمبات جىلجىمايتىن مۇلىك ساتىپ الۋدىڭ ناتيجەسىندە نەمەسە ەل ەكونوميكاسىنىڭ نەگىزىندە قولدا ەتىلەن ەو ەلدەرىنىڭ تولقۇجاتتارىنىڭ سانى ارتۋدا. تىزىمدە ەلدە ۇزاق ۋاقىتقا  تۇرۋ قۇقىعىن بەرەتىن («التىن ۆيزا» دەپ اتالاتىن) نەمەسە قىتاي مەن بۇرىنعى كو ەلدەرىنەن كەلەتىن ازاماتتارعا تولىق ازاماتتىق بەرەتىن كيپر، مالتا جانە گرەكيا ەلدەرى اتالعان. «ەو-عا مۇشە كەيبىر ەلدەر ەۋروپانىڭ قاۋىپسىزدىگىنە نۇقسان كەلتىرەتىن قىلمىسكەرلەردىڭ ولاردىڭ ازاماتتىعىن  الماۋى ءۇشىن كوپ كۇش جۇمساۋلارى كەرەك»، دەلىنگەن مالىمدەمەدە.

“The Qazaq Times”