فوتو: Anadolu

تۇركيا پرەزيدەنتى رەجەپ تايىپ ەردوعان ەگەر پارلامەنتتە ءتيىستى زاڭ جوباسى قابىلدانعان جاعدايدا، تۇركيادا ءولىم جازاسىن قايتادان قولعا الۋعا دايىن ەكەنىن مالىمدەدى، - دەپ جازادى «Anadolu» اگەنتتىگى تۇركيا پرەزيدەنتىنىڭ ءباسپاسوز قىزمەتىىنە سىلتەمە جاساپ.

«ەگەر وسى شەشىم پارلامەنت تاراپىنان بەكىتىلىپ، مەنىڭ ۇيعارىمىما جىبەرىلەتىن بولسا، دەرەۋ قول قويامىن»، - دەگەن ەردوعان تەراكت سالدارىنان قازا تاپقان ايەل مەن بالانىڭ جانازاسىندا. تۇركيا پرەزيدەنتى سيۆاس قالاسىنا 25 جاستاعى نۇرجان كاراكاي مەن ونىڭ 11 جاسار ۇلى مۇستافا كاراكايدىڭ جانازاسىنا كەلگەن بولاتىن. انالى-بالالى ەكەۋى حاككاري قالاسىنداعى تەراكت سالدارىنان قازا تاپقان ەدى. ازىرگە، وسى تەررورلىق ءىستى ەشقانداي توپ مويىنداماۋدا.

“The Qazaq Times”