اقش ساۋدا پالاتاسىنىڭ پرەزيدەنتى توماس دونحۋە (Thomas Donohue) 6 اقپاندا، –  «اقش-تىڭ سولتۇستىك امەريكا ەركىن ساۋدا وداعىنان شىعىۋى اقش، كانادا، مەكسيكا سىندى ءۇش ەلدىڭ ەكونوميكاسى، بيزنەسى مەن قىزمەتكەرلەرىنە اپاتتى سالدار الا كەلەدى»، – دەدى. بۇنى ول كانادا استاناسى وتتوۆاداعى ىسكەرلىك توپتارعا سويلەگەن سوزىندە ايتىپ ءوتتى.

Thomas Donohue كورسەتكەن دالەلىنە سەنسەك، كاناداعا شىعاراتىن ەكسپورتى اقش ەكسپورتى ەل ىشىندەگى 9 ميلليون جۇمىس ورىنىن جەبەپ وتىر. «سوندىقتان ءبىز ولارعا كەرى اسەر جەتكىزبەۋ استىندا، اقش پەن كانادانىڭ ەكىجاقتى ساۋدا قاتىناسىن جاقسارتۋعا، دامىتۋعا ءتيىسپىز»، – دەدى توماس دونحۋە. ونىڭ ويىنشا اقش سولتۇستىك امەريكا ەركىن ساۋدا كەلىسىمىن ەكىجاقتى كەلىسىم تۇرعىسىندا جالعاستى قولداۋى كەرەك. تەك اقش مۇددەسىن كوزدەپ كانادا مەن مەكسيكا ارقىلى ەركىن ساۋدا كەلىسىمىنە قول جەتكىزۋ ءۇشىن ۇمتىلۋعا بولمايدى. كانادا، مەكسيكا ءۇش ەل اراسىنداعى ساۋدا بايلانىسقا نۇقسان جەتكىزبەۋ اياسىندا، سولتۇستىك امەريكا ەسك-نى جاڭارتۋ جانە جەتىلدىرۋ جولدارىن قاراستىرۋ كەرەكتىگىن ايتتى.

ال، وسىدان بۇرىن اقش پرەزيدەنتى دونالد ترامپ تالاي مارتە، «سولتۇستىك  امەريكا ەسك – امەريكالىق قىزمەتكەرلەر ءۇشىن اۋىرتپالىق مايدانى» دەپ جار سالىپ كەلگەن بولاتىن. ول ءتىپتى ەگەر ساۋدا كەلىسىمدەردى جاڭارتۋ تۋرالى كەلىسسوزدەر ناتيجە بەرمەسە سولتۇستىك امەريكا ەركىن ساۋدا كەلىسىمىنەن شەگىنۋ كەرەك دەپ قاداپ ايتقان. جالپى ترامپ ساياساتى بارلىق حالىقارالىق كوپجاقتى ساۋدا كەلىسىمدەرگە جاتىرقاي قاراۋدا. امەريكالىقتار زارداپ شەگەدى دەگەن سەبەپتى العا تارتىپ، TPP-دان دا شەگىنىپ كەتكەنىن بىلەمىز. الايدا، اقش ساۋدا پالاتاسىنىڭ پرەزيدەنتىنىڭ بۇل ءسوزى ترامپتىڭ ويىنا قايشى بولىپ شىقتى.

“The Qazaq Times”