بۇدان جارتى ساعات بۇرىن اقش-تىڭ قىتاي استاناسىنداعى باس ەلشىلىگىنىڭ ماڭىندا جارىلىس بولعانى تۋرالى حابار تارادى. بۇل تۋرالى قىتايدىڭ رەسمي سايتتارى جانە الەۋمەتتىك جەلىلەرى جارىسا جازدى.

قىتاي الەۋمەتتىك جەلى پايدالانۋشىلارى، بەيجىڭنىڭ چاۋياڭ اۋدانىندا ورنالاسقان اقش ەلشىلىگىنىڭ ماڭىندا جارىلىس داۋىسىن ەستىگەنىن جازدى. رەسمي سايتتاردان "IPeng" پورتالى ەڭ الدىمەن حابار تاراتتى.

جارىلىس جانە ونىڭ سەبەبى تۋرالى رەسمي مالىمەتتەر تاراتىلمادى. تەك جارىلىس داۋىسىنىڭ جەرگىلىكتى ساعات 13:00 دە بولعانى تۋرالى ايتىلادى.

بىرەر مينۋتتىڭ الدىندا، The New York Times باسىلىمىنىڭ جاريالاعان حابارىنا قاراعاندا، جارىلىس اقش ەلشىلىگىندەگى ۆيزاعا كەزەككە تۇراتىن ورىنعا جاقىن جەردە بولعانى ايتىلادى.

اقش-تىڭ بەيجىڭدەگى باس ەلشىلىگى قالانىڭ سولتۇستىك-شىعىسىنداعى كورىكتى، كەڭ اۋماققا ورنالاسقان. جاڭا ەلشىلىك عيماراتى 2008 جىلى پايدالانۋعا بەرىلگەن. قازاقستاننىڭ قىتايداعى باس ەلشىلىگىمەن جاقىن ورنالاسقان.

“The Qazaq Times”