Бұдан жарты сағат бұрын АҚШ-тың Қытай астанасындағы бас елшілігінің маңында жарылыс болғаны туралы хабар тарады. Бұл туралы Қытайдың ресми сайттары және әлеуметтік желілері жарыса жазды.

Қытай әлеуметтік желі пайдаланушылары, Бейжіңнің Чауяң ауданында орналасқан АҚШ елшілігінің маңында жарылыс дауысын естігенін жазды. Ресми сайттардан "IPeng" порталы ең алдымен хабар таратты.

Жарылыс және оның себебі туралы ресми мәліметтер таратылмады. Тек жарылыс дауысының жергілікті сағат 13:00 де болғаны туралы айтылады.

Бірер минуттың алдында, The New York Times басылымының жариялаған хабарына қарағанда, жарылыс АҚШ елшілігіндегі визаға кезекке тұратын орынға жақын жерде болғаны айтылады.

АҚШ-тың Бейжіңдегі бас елшілігі қаланың солтүстік-шығысындағы көрікті, кең аумаққа орналасқан. Жаңа елшілік ғимараты 2008 жылы пайдалануға берілген. Қазақстанның Қытайдағы бас елшілігімен жақын орналасқан.

“The Qazaq Times”