ەۋرووداق پەن اقش ەكىجاقتى سالىقتاردى جويۋ تۋرالى كەلىسىمگە كەلدى

اقش بيلىگى مەن ەۋرووداق ساۋدا كەدەرىلەرى مەن ەكىجاقتى سالىقتاردى جويۋ تۋرالى جۇمىستاردى باستاۋعا كەلىستى. بۇل تۋرالى اقش پرەزيدەنتى دونالد ترامپ ەۋروكوميسسيا باسشىسى جان-كلود يۋنكەرمەن سويلەسكەننەن كەيىن مالىمدەگەن، - دەپ حابارلايدى france24.com/fr.

اقش بيلىگى مەن ەو ساۋدا سالاسى مەن قولدانىستاعى تاريفتەرگە قاتىستى ماسەلەلەردى شەشۋگە باعىتتالعان جۇمىس توبىن قۇرماق. «مەن كەلىسىمشارتتى بۇگىن جاساۋعا نيەتتەنگەنمىن. ءبىز، ساۋدا ماسەلەلەرىنە قاتىستى كەلىسسوزدەردى اياقتاماي جانە تاراپتاردىڭ ءبىرى وسى كەلىسسوزدەردى توقتاتپايىنشا، بولات پەن اليۋمينيگە سالىق سالماۋعا بارىنشا تىرىسامىز»، - دەگەن ەۋروكوميسسيا باسشىسى جان-كلود يۋنكەر.

ەسكە سالايىق، ماۋسىم ايىندا اقش ەۋروپا وداعىنا مۇشە ەلدەردەن يمپورتتالاتىن بولات پەن اليۋمينيدەن جاسالاتىن ونىمدەرگە 10 پايىز كولەمىنەدە سالىق ەنگىزگەن بولاتىن. وسىعان سايكەس، ەۋرووداق تا 22 ماۋسىمنان باستاپ امەريكالىق مەتالل جانە اۋىلشارۋاشىلىق ونىمدەرىنە 25 پايىزدىق سالىق ەنگىزگەن ەدى.

“The Qazaq Times”