تۇركيا مەن يزرايل اراسىندا گەنوتسيد پەن ناسىلشىلدىككە قاتىستى داۋ تۋىندادى

تۇركيا پرەزيدەنتى رەجەپ تايىپ ەردوعان ەۆرەي ۇلتتىق مەملەكەتى تۋرالى زاڭنىڭ قابىلدانۋى ءيزرايلدىڭ ناعىز فاشيستىك جانە ءناسىلشىل ەل ەكەنىن كورسەتەدى دەدى. بۇل تۋرالى abhaber.com حابارلايدى. 

تۇرىك باسشىسىنىڭ سوزىنشە، پالەستينالىق ايماقتاعى اتىستار ءيزرايلدىڭ تەررورلىق ەل بولىپ تابىلاتىنىن كورسەتەدى. تۇركيانىڭ ادىلەت جانە دامۋ پارتياسى دەپۋتاتتارىنىڭ الدىندا ءسوز العان ر.ت.ەردوعان: «گيتلەردىڭ يدەيالارى مەن يزرايل ارەكەتى اراسىندا ەشقانداي ايىرماشىلىق جوق»، -  دەدى.

يزرايل پرەمەر-ءمينيسترى بينيامين نەتانياحۋ تۇرىك باسشىسىن سۇريالىقتار مەن كۇردتەردىڭ گەنوتسيدىنە كىنالى دەپ ايىپتادى. «ەردوعان سۇريالىقتار مەن كۇردتەردى ءولتىرىپ، وزدەرىنىڭ مىڭداعان وتانداستارىن تۇرمەگە قاماۋدا. وسى دەموكرات تاراپىنان مەملەكەتتىڭ ۇلتتىق سيپاتى تۋرالى زاڭىنىڭ سىنالۋى — زاڭعا ارنالعان ەڭ اۋقىمدى پىكىر ەدى»، - دەدى.

ەسكە سالايىق، وتكەن اپتادا، يزرايل پارلامەنتى ءيزرايلدىڭ ۇلتتىق سيپاتى تۋرالى زاڭ قابىلداعان بولاتىن. اتالعان زاڭدا ءيزرايلدى «ەۆرەي حالقىنىڭ ۇلتتىق مەملەكەتى» دەپ تانىلعان ەدى.

“The Qazaq Times”