گەرمانيا يتاليامەن كوشى-قون كەلىسىمشارتىن جاساۋعا نيەتتى

گەرمانيانىڭ سىرتقى ىستەر ءمينيسترى حورست زەەحوفەر شىلدە ايىنىڭ سوڭىنا دەيىن يتاليامەن بوسقىندار ماسەلەسىنە قاتىستى كەلىسىمشارت جاساماقشى. بۇل تۋرالى ول اۆستريانىڭ ينسبرۋك قالاسىندا يتاليانىڭ سىرتقى ىستەر ءمينيسترى ماتتەو سالۆينيمەن كەزدەسكەننەن كەيىن مالىمدەدى، - دەپ حابارلايدى «Deutsche Welle» نەمىس اقپارات قۇرالى.

زەەحوفەر ەكى ەل مينيسترلىكتەرىنىڭ قىزمەتكەرلەرى: «وتە جاقىندا ءتيىستى كەلىسسوزدەر باستايدى. وندا يتاليادان اۆستريا مەن گەرمانيا ارقىلى ەو-قا كەلەتىن ىشكى كوش، بوسقىنداردى قايتارۋ، سونىمەن قاتار، ولاردى تەڭىزدە قۇتقارۋ ماسەلەلەرى باستى تاقىرىپ رەتىندە قاراستىرىلماق»، - دەپ مالىمدەدى. ودان بولەك، ەڭ الدىمەن ەۋروپانىڭ شەكاراسىن قورعاۋعا بايلانىستى اۋقىمدى ستراتەگيا كەرەك ەكەنىن ايتقان سالۆيني، «جاعالاۋداعى بوسقىنداردى ازايتۋ، ءولىم-ءجىتىمدى دە ازايتۋ سياقتى زەەحوفەر ەكەۋمىزدىڭ ورتاق ماقساتتارىمىز بار. سونداي-اق، يتاليادا دا، گەرمانياعا دا كوش اۋدارۋشىلاردىڭ سانىن ازايتۋ كەرەك. ءبىر عانا ادامدى يتاليا شەكاراسىنا قابىلداماس بۇرىن، ءبىز ەۋروپانىڭ ءوزىنىڭ سىرتقى  شەكاراسىن قورعاعانىن قالايمىز» ، - دەدى.

“The Qazaq Times”