اقش مەملەكەتتىك دەپارتامەنتىنىڭ وكىلدەرى مەن ادىلەت مينيسترلىگى جانە ءىىم ەرتەڭ، 13 شىلدە كۇنى انكارادا فەتۋللاھ گۇلەندى تۇركيا بيلىگىنە قايتارۋ ماسەلەسى مەن ونىڭ جەتەكشىلىگىندەگى «فەتو» ۇيىمىنا ىقپال ەتۋ شارالارى تۋرالى تالقىلاماق. بۇل تۋرالى تۇركيانىڭ ءسىم وكىلى تىلشىلەرگە حابارلادى، - دەپ جازادى تۇركيالىق «abhaber.com» اگەنتتىگى.
«اقش-پەن ەكىجاقتى قارىم-قاتىناس اياسىندا 13 شىلدەدە انكارادا فەتو تەررورلىق ۇيىمى مەن گۇلەننىڭ تۇركيا بيلىگىنە قايتارىلۋى تۋرالى ماسەلە جان-جاقتى تالقىلانادى. جيىنعا ادىلەت مينيسترلىگىنىڭ، ءىىم جانە سىرتقى ساياسات ۆەدوموستۆاسىنىڭ وكىلدەرى دە قاتىسادى. سونىمەن قاتار، «Halkbank» بانكىنىڭ باس ديرەكتورىنىڭ بۇرىنعى ورىنباسارى حاكان اتيللا مەن تۇركيادا تۇتقىندالعان اقش ازاماتتارىنىڭ ماسەلەلەرى دە قوزعالادى» ، - دەپ كورسەتىلگەن تۇركيا ءسىم-ءنىڭ مالەمدەمەسىندە. ايتا كەتەتىن جايت، تۇركيا بيلىگى اقش-قا فەتۋللاھ گۇلەندى قايتارۋ تۋرالى بىرنەشە مارتە تالاپ تۇسىرگەن ەدى. كوپتەن بەرى امەريكادا باس ساۋعالاپ جۇرگەن فەتۋللاھ گۇلەندى 2016 جىلدىڭ شىلدە ايىنداعى مەملەكەتتىك توڭكەرىس ارەكەتىنە قاتىسى بار دەپ كىنا ارتادى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى