يران پروكۋراتۋراسى ەلدەگى ەڭ كوپ قولدانىلاتىن ينستاگرام الەۋمەتتىك جەلىسىنە تىيىم سالدى. بۇل تۋرالى باس پروكۋرور مۇحاممەد مۋساددىق رەسمي مالىمدەمە جاسادى. ول مالىمدەمەسىندە: «ەلدەگى ونەر قايراتكەرلەرىنىڭ ينستاگرام ارقىلى مۇقتاج جاندارعا كومەكتەسۋ شارالارى، ولاردان جينالعان قاراجاتتار تەرىس ماقساتتارعا پايدالانۋعا جول اشۋى  وسى شەشىمگە سەبەپ بولدى»، – دەگەن.

مۋساددىقتىڭ مالىمدەمەسىندە، بۇل شەشىمنىڭ ناقتى قاي ۋاقىتتان باستالىپ جۇزەگە اسىرىلاتىنى انىق ايتىلماعان.

بۇعان دەيىن يراندا Facebook, Twitter جەلىلەرىنە شەكتەۋ قويىلعان. ال، بىلتىر جەلتوقسان ايىنداعى نارازىلىق شارالارىنان كەيىن تەلەگرام الەۋمەتتىك جەلىسىنە دە ۇكىمەت جاعىنان تىيىم سالىنعان.

مالىمەتتەرگە قاراعاندا، ير-داعى جەلى قولدانۋشىلاردىڭ 55 پايىزى تەلەگرامدى، 23 پايىزى ينستاگرام جەلىسىن قولدانادى.

“The Qazaq Times”