فوتو: گەورگي كۆيريكاشۆيلي 

گرۋزيا پرەمەر-ءمينيسترى گەورگي كۆيريكاشۆيلي بۇرىنعى پرەمەر-مينيستر بيدزينا يۆانيشۆيليمەن ارادا تۋىنداعان كەلىسپەۋشىلىكتەن كەيىن قىزمەتىنەن كەتتى. بۇل تۋرالى «ntv.com.tr» اگەنتتىگى حابارلايدى.

كۆيريكاشۆيلي قىزمەتىنەن كەتۋىنىڭ سەبەبىن بۇرىنعى پرەمەر-مينيستر بيدزينا يۆانيشۆيليمەن ارادا تۇسىنىسپەۋشىلىك بولعاندىعىمەن ءتۇسىندىرىپ، ۇكىمەتتىڭ بارلىق مۇشەلەرىمەن بىرگە وتستاۆكاعا كەتەتىنىن مالىمدەگەن. ول ەندى جاڭا ۇكىمەتتىڭ قۇرامىن ءيۆانيشليدىڭ قۇرۋى كەرەكتىگىن، ءوزىنىڭ بيلىكتەن ءبىرجولا قول ءۇزۋى مۇمكىن ەكەنىن دە جاسىرماعان.

نەگىزىنەن، جەرگىلىكتى اقپارات قۇرالدارى 2013 جىلى پرەمەر-مينيسترلىكتەن كەتكەن ميللياردەر ءيۆانيشۆيليدىڭ ەلدى جابىق پەردە ارتىنان باسقارعانى تۋرالى كوپ جازادى. ناقتى ءارى رەسمي دالەلدەر بولماسا دا، گرۋزين حالقى وسى بولجامدارعا سەنەدى. ونىڭ ۇستىنە، قازىرگى كۇنى قىزمەتىنەن كەتىپ جاتقان كۆيريكاشۆيليدىڭ وعان قاتىستى مالىمدەمەسى دە وسى پىكىرلەردى راستاعانداي.

“The Qazaq Times”