Фото: Георгий Квирикашвили 

Грузия премьер-министрі Георгий Квирикашвили бұрынғы премьер-министр Бидзина Иванишвилимен арада туындаған келіспеушіліктен кейін қызметінен кетті. Бұл туралы «ntv.com.tr» агенттігі хабарлайды.

Квирикашвили қызметінен кетуінің себебін бұрынғы премьер-министр Бидзина Иванишвилимен арада түсініспеушілік болғандығымен түсіндіріп, үкіметтің барлық мүшелерімен бірге отставкаға кететінін мәлімдеген. Ол енді жаңа үкіметтің құрамын Иванишлидің құруы керектігін, өзінің биліктен біржола қол үзуі мүмкін екенін де жасырмаған.

Негізінен, жергілікті ақпарат құралдары 2013 жылы премьер-министрліктен кеткен миллиардер Иванишвилидің елді жабық перде артынан басқарғаны туралы көп жазады. Нақты әрі ресми дәлелдер болмаса да, грузин халқы осы болжамдарға сенеді. Оның үстіне, қазіргі күні қызметінен кетіп жатқан Квирикашвилидің оған қатысты мәлімдемесі де осы пікірлерді растағандай.

“The Qazaq Times”