فوتو: lemonde.fr
ەۋروپا وداعى (ەو) اقش-تان يمپورتتالاتىن تاۋارلارعا شىلدە ايىنان باستاپ باج سالىعىن ەنگىزۋى مۇمكىن. بۇل تۋرالى 20minutes.fr اگەنتتىگى ەۋروكوميسسيانىڭ 6 ماۋسىمداعى مالىمدەمەسىنە سىلتەمە جاساپ، حابارلايدى. 
ەۋروپا وداعى اقش-تىڭ ەو-قا مۇشە ەلدەردەن شىعارىلاتىن بولات پەن اليۋمينيگە سالىق ەنگىزۋ شەشىمىنە جاۋاپ رەتىندە امەريكالىق كەيبىر تاۋارلارعا شىلدە ايىنان باستاپ قوسىمشا سالىق سالۋى مۇمكىن. ەۋروپا وداعى مۇشەلەرى دە ەۋروكوميسسيانىڭ امەريكالىق يمپورتتالاتىن ونىمدەرگە 2,8 ميلليارد ەۋرو (3,4 ميلليارد $) كولەمىندە سالىق ەنگىزۋ تۋرالى جوسپارىن قۇپتاۋدا. سەبەبى، ەو-عا مۇشە ەلدەردىڭ بارلىعى ۆاشينگتوننىڭ ارەكەتىن زاڭسىز دەپ سانايدى.
"ەۋروكوميسسيا مۇشە ەلدەرمەن (ەو-قا مۇشە ەلدەر — رەد.) سەرىكتەستىك جاساي وتىرىپ، شىلدە ايىندا جاڭا سالىقتى ەنگىزۋدى باستاۋ ءۇشىن قازىردەن باستاپ قاجەتتى ءىس-شارالاردى قولعا الادى", - دەگەن ەۋروكوميسسيانىڭ ۆيتسە-پرەزيدەنتى ماروش شەفچوۆيچ ءباسپاسوز جيىنىندا.