كەزدەسۋگە دايىندالعان قوناق ءۇي. فوتو; راكۋرس،

اق ءۇيدىڭ رەسمي مالىمدەمەشىسى سارا ساندرەس ءوزىنىڭ الەۋمەتتىك جەلى پاراقشاسى ارقىلى، 12 ماۋسىمدا اقش پەن سولتۇستىك كورەيا باسشىلارىنىڭ كەزدەسەتىن ورنى تۋرالى ناقتى مالىمەتتى تاراتتى.

سارا تۆيتتەر پاراقشاسىندا: «پرەزيدەنت ترامپ پەن سولتۇستىك كورەيا ليدەرى كيم جوڭ ۋن اراسىنداعى كەزدەسۋ سەنتوزا ارالىنداعى حالىقارالىق قوناق ۇيدە وتەدى. قۇرمەتتى سينگاپۋرلىقتار، سىزدەردىڭ قوناقجايلىقتارىڭىزعا العىس ايتامىز»، – دەپ جازعان.

ترامپ-كيم كەلىسسوزى تۋرالى وسىعان دەيىن ءتۇرلى جورامالدار ايتىلدى. ءتىپتى، ەكى تاراپ بىرنەشە رەت كەزدەسۋدەن باس تارتا جازدادى. اق ءۇي مالىمدەمەشىسىنىڭ سوڭعى مالىمەتى بويىنشا، كەزدەسۋدىڭ بارلىق دايىندىقتارى اياقتالعان، الەم كوز تىككەن كەلىسسوز 12 ماۋسىم سينگاپۋر ۋاقىتىمەن 09:00 شاماسىندا باستالاتىنىن ايتتى.

“The Qazaq Times”