عارىشكەرلەر وتىرعان كاپسۋلا ورتالىق قازاقستانعا كەلىپ ءتۇستى. فوتو: AFP.

كەشە عارىشتى بەس اي شارلاعان حالىقارالىق عارىش ستانتسياسىنىڭ ەكيپاجى قازاق جەرىنە كەلىپ ءتۇستى. جەزقازعان قالاسىنا جاقىن ماڭدا كەلىپ قونعان كاپسۋلا ىشىندەگى اقش، رەسەي جانە جاپونيانىڭ عارىشكەرلەرى امان-ەسەن جەر باستى. بۇل تۋرالى CNN, BBC, Fox News قاتارلى تانىمال اقپارات كوزدەرى حابار تاراتتى.

عارىگكەرلەردى شىعارۋ الدىنداعى ءسات. فوتو: BBC/GETTY IMAGES.

عارىشكەرلەر وتىرعان الەم كەمەسىنىڭ بولشەگى جەزقازعان ماڭىنا 18:39 شاماسىندا كەلىپ ءتۇستى. وندا رەسەيلىك انتون شكاپلەروۆ، امەريكالىق سكوتت تينگل جانە نوريشيگە كاناي اتتى  جاپون عارىشكەرى بار.

جەرگە جەتىپ "ۋھ" دەگەن عارىشكەرلەر. فوتو: BBC/GETTY IMAGES.

تينگل مەن كاناي قاراعاندى قالاسىندا دامىلداپ، ودان ارى تەحاس شتاتىنىڭ حستون قالاسىنا جول الدى. ال، شكاپلەروۆ بولسا ماسكەۋگە قاراي اتتاندى.

اتالعان ءۇش عارىشكەر عارىش كەڭىستىگىندە عىلىمي-پراكتيكالىق زەرتتەۋ جۇمىستارىن جۇرگىزگەن.

“The Qazaq Times”