«ۇلكەن جەتىلىكتىڭ» التى ەلى اقش-قا سىن تاعىپ، بىرلەستى

اقش-تىڭ قارجى ىستەرى جونىندەگى ءمينيسترى  ستيۆ منۋچين «ۇلكەن جەتىلىك» ەلدەرى (امەريكا، كانادا، جاپونيا، ۇلىبريتانيا، گەرمانيا، يتاليا) تاراپىنان قاتال سىنعا ۇشىرادى. اتالعان ەلدەر اقش-تىڭ بولات پەن اليۋميني يمپورتىنا سالىق ەنگىزۋ شەشىمىنە نارازى.

 فرانتسيانىڭ قارجى ءمينيسترى بريۋنو لە مەر وداقتاستارىمەن ارادا ساۋدا سوعىسى تۋىنداماۋى ءۇشىن ۆاشينگتوننىڭ بىرنەشە كۇنى بار ەكەنىن ايتتى. بۇل تۋرالى abhaber.com اگەنتتىگى حابارلادى.

«ۇلكەن جەتىلىك» ەلدەرىنىڭ ءۇش كۇندىك كەزدەسۋلەرى كانادادا ءوتتى. الداعى دەمالىس كۇندەرى كۆەبەكتە (كانادا) وسى ەلدەر پرەزيدەنتتەرىنىڭ ءسامميتى وتەدى دەپ كۇتىلۋدە. وعان اقش پرەزيدەنتى دونالد ترامپ تا قاتىسادى دەپ جوسپارلانۋدا.

ۇستىمىزدەگى جىلدىڭ ناۋرىز ايىنىڭ باسىندا ترامپ بولات پەن اليۋمينيگە باج سالىعىن ەنگىزىپ، الايدا كەلىسسوزدەر جۇرگىزۋ ءۇشىن شەشىمىن كەيىنگە قالدىرعان ەدى. وسى اپتادا اقش-تىڭ ساۋدا ءمينيسترى ۋيلبۋر روسس 1 ماۋسىم كۇنى، تۇنگى ساعات 00:00-دە ەو ەلدەرى مەن كانادا، مەكسيكا ەلدەرىنەن شىعارىلاتىن بولات پەن اليۋمينيگە سالىق ەنگىزىلگەنىن مالىمدەگەن ەدى. ەۋروداق پەن كانادا وسى شەشىمگە قاتىستى قارسىلىقتارىن ءبىلدىرىپ، دسۇ-نىڭ ەرەجەلەرىنە ساي كەلمەيدى دەپ حابارلادى.

“The Qazaq Times”