يران ءماجىلىسى اقش-تىڭ ۇستىنەن حالىقارالىق سوتقا ارىز ءتۇسىردى

يران يسلام رەسپۋبليكاسىنىڭ ءماجىلىسى دايش تەرروريستىك ۇيىمىنىڭ 2017 جىلى تەھراندا (تەگەران) جاساعان شابۋىلدارى ءۇشىن حالىقارالىق سوتقا اقش-قا قارسى تالاپ ءتۇسىردى، دەپ حابارلايدى FARS اگەنتتىگى يران ءماجىلىسىنىڭ دەپۋتاتى ابولتفازي ابۋتورابيدىڭ سوزىنە سىلتەمە جاساپ.

دەپۋتات ابۋتورابي اقش-تىڭ قازىرگى پرەزيدەنتى دونالد ترامپتىڭ كەزىندە سايلاۋالدى ناۋقاندا دەموكراتيالىق پارتياداعى باسەكەلەسى حيللاري كلينتوننىڭ يسلام مەملەكەتىنىڭ قۇرىلۋىنا قاتىسى بار دەپ ايتقانىن ەسكە سالدى. «ترامپ سايلاۋالدى ناۋقاندا سايلاۋداعى باسەكەلەسى ح. كلينتون حانىمنىڭ اقش-تىڭ يم-ءتىن قۇرعانى تۋرالى ايتقانىن اشىقتان-اشىق باياندادى. بۇل ماسەلەدە اقش پرەزيدەنتىنىڭ سوزىنەن وزگە تاعى قانداي ايعاق بولسىن »، - دەپ مالىمدەدى. وسى جاعدايعا قاتىستى يران ءماجىلىسى حالىقارالىق سوتقا اقش-تىڭ ۇستىنەن ارىز  ءتۇسىردى.

ەسكە سالا كەتسەك، بىلتىر، 2017 جىلدىڭ 7 ماۋسىمىندا يران پارلامەنتىنىڭ عيماراتىنا بەلگىسىز توپتار وق جاۋدىرعان ەدى. ءدال وسى كۇنى تەھرانداعى حومەيني يمامنىڭ مازارىنا دا شابۋىل ۇيىمداستىرىلىپ، اقىرى بۇنى ىستەگەن دايش سودىرلارى ەكەنى انىقتالعان بولاتىن.

  “The Qazaq Times”