اقش-تىڭ بۇۇ-داعى تۇراقتى وكىلى نيككي حەيلي پالەستينالىقتار مەن يزرايلدىك اسكەريلەر اراسىنداعى قاقتىعىسقا يەرۋساليمدە اقش ەلشىلىگىنىڭ اشىلۋىنىڭ ەشقانداي قاتىسى جوق دەپ مالىمدەدى.
«اقش يزرايلدەگى ەلشىلىگىن تەل-اۆيۆتەن يەرۋساليمگە كوشىرۋگە شەشىم شىعارماي تۇرىپ-اق، حاماس تەرروريستىك ۇيىمى وسى ايماقتا كوپتەگەن جىل بويى وزبىرلىق ارەكەتىن جالعاستىرىپ كەلگەن ەدى", - دەدى حەيلي.
بۇگىندە قازا تاپقانداردىڭ سانىنىڭ 58-گە، ال جارالانعانداردىڭ 2700 دەن اسقانى ءمالىم بولدى. كەشە، شەيىت بولعان پالەستينالىقتار جەر قوينىنا بەرىلدى. ال قازا تاپقانداردىڭ اراسىندا يزرايلدىكتەر جوق.
فوتو: dw.com
ەندى وسى قاندى قاقتىعىسقا الەم ەلدەرى قانداي كوزقاراستا؟
كوپتەگەن ەلدەر گازا سەكتورى مەن يزرايل شەكاراسىنداعى وسى جاعدايعا الاڭداۋشىلىقتارىن بىلدىرۋدە. ماسەلەن، ۇلىبريتانيا، گەرمانيا جانە فرانتسيا يزرايلدىك اسكەريلەردىڭ ارەكەتتەرىن قۇپتامايتىندىقتارىن مالىمدەدى. ال، بريتانيا پرەمەر-ءمينيسترى تەرەزا مەي بۇل وقاعانى قايعىلى جاعدايعا تەڭەپ، بولعان ءىستى مۇقيات تەكسەرۋگە شاقىردى. «پالەستينالىقتار قارسىلىق كورسەتۋگە قۇقىلى. الايدا، بۇل قارسىلىقتارى بەيبىت تۇردە ءوتۋى كەرەك ەدى»، - دەدى.
«ونداعان پالەستينالىقتىڭ قازا تابۋى الاڭداتپاي قويمايتىن وقيعا. ءبىز جاعدايدى مۇقيات باقىلاۋدامىز. كەز كەلگەن تاراپ، بارلىق ەلدەر، اسىرەسە، «كۆارتەت» قاتىسۋشىلارى مۇنداي كەلەڭسىزدىكتىڭ تۋىنداۋىنا سەبەپ بولاتىن قانداي دا ءبىر ارەكەتتەن اۋلاق بولۋى كەرەك»، - دەدى، رەسەي پرەزيدەنتىنىڭ ءباسپاسوز حاتشىسى دميتري پەسكوۆ.
ال، وار بولسا، يزرايلدەگى ەلشىسىن قايتارىپ الدى.
تۇركيا پرەزيدەنتى رەجەپ تايىپ ەردوعان دا: «تاريح ءيزرايلدىڭ بۇل ارەكەتىن ەشقاشان كەشىرمەيدى»،- دەپ، ءوز ويىن ءبىلدىردى. سونىمەن قاتار، ول اقش-تىڭ ەلشىلىكتى كوشىرۋ شەشىمىن سىنعا الىپ، اق ءۇي بيلىگى قاندى قىرعىندى ۋشىقتىردى دەپ ەسەپتەيتىنىن جاسىرمادى.
ەسكە سالايىق، پالەستينالىقتاردىڭ جاپپاي قارسىلىق شارالارى 14 مامىر كۇنى تاڭەرتەڭ باستالدى. ولاردىڭ بۇل نارازىلىقتارىنىڭ ءبىر سەبەبى — يەرۋساليمدە اقش ەلشىلىگىنىڭ سالتاناتتى تۇردە اشىلۋى. نەگىزىندە، قارسىلىق شاراسى ۇستىمىزدەگى جىلدىڭ 30 ناۋرىزىندا پالەستينالىقتاردىڭ جاپپاي كوشىرىلۋىنە 70 جىل تولۋىنا وراي ۇيىمداستىرىلعان ەدى. اتالعان تاريحي جاعدايدىڭ 1948 جىلى ورىن العانى بەلگىلى. وسىنىڭ ارتىنشا، يزرايل مەملەكەتى قۇرىلىپ، ارابتار مەن يزرايلدىكتەر اراسىندا سوعىس تۇتانعان ەدى. ال، ەندى رەسمي تۇردە 50-دەن استامنىڭ ءومىرىن جالماعان وسى قاندى قىرعىنعا ناقتى كىم كىنالى ەكەنى داۋلى ماسەلەگە اينالۋدا.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟