حۇسيتتەر ساۋد-ارابياسىنا بالليستيكالىق زىمىرانمەن شابۋىل جاسادى

يەمەندە بيلىككە قارسى حۇسيتتەر ساۋد-ارابيانىڭ گازان ايماعىنا بالليستيكالىق زىمىران شابۋىلىن ۇيىمداستىردى. بۇل تۋرالى euronews.com اگەنتتىگى جەرگىلىكتى SPA اقپارات قۇرالىنا سىلتەمە جاساپ، حابارلايدى.

اتالعان اقپارات اگەنتتىگىنىڭ حابارلاۋىنشا، وداق كۇشتەرىنىڭ وكىلى تۇركي ءال-ماليكي يراننىڭ قولداۋىنا يە حۇسيتتەردىڭ سادا پروۆينتسياسىنان گازان ايماعىنا بالليستيكالىق زىمىران شابۋىلىن ۇيىمداستىرعانىن ايتقان. ول سونداي-اق، بالليستيكالىق زىمىراننىڭ گازانداعى ادامدار تۇراتىن ورىندارعا قاراي كوزدەلگەنىن، الايدا زىمىراننىڭ ءشولدى ايماققا اتىلعانىن حابارلادى. سونىمەن قاتار، حۇسيتتەرگە تيەسىلى ءال-مەسيرا تەلەارناسىنىڭ حابارلاۋىنشا، گازاندا ساۋد-ارابياسىنىڭ مۇناي فيرماسى ارامسوعا تيەسىلى نىسانعا دا بالليستيكالىق زىمىران اتىلعان.

“The Qazaq Times”