يران ءسىم باسشىسى بەيسەنبى كۇنى تۇستەن كەيىن رەسمي مالىمدەمە جاساپ، ير تارابىنىڭ يران يادرولىق كەلىسىمى تۋرالى قايتالاي كەلىسسوز جۇرگىزبەيتىنىن جانە اتالعان كەلىسىمگە تولىقتىرۋلار مەن وزگەرتۋلەر ەنگىزبەيتىنىن مالىمدەدى. بۇل تۋرالى سول ەلدىڭ IRNA اقپاراتتىق اگەنتتىگى حابارلادى.

يران سىرتقى ىستەر ءمينيسترى زاريف مالىمدەمەسىندە: «يران التى ەلمەن بىرگە قول قويعان بۇل كەلىسىمدى قايتا تالقىلامايمىز. وزگەرتۋلەر ەنگىزبەيمىز. ەگەر وزگەرىستەر ەنگىزۋ كەرەك بولسا، اقش-تىڭ كەلىسىمگە تاباندى بولۋىن قامتاماسىز ەتەتىن ءبىر تارماق قوسۋعا تۋرا كەلەدى»، – دەدى. ول جانە سوزىندە: «ەگەر ۋاشينگتون تارابى كەلىسىمنەن باس تارتسا نەمەسە بۇزسا، وندا يران دا ءوزىنىڭ كەلىسىم بويىنشا رەاكتسيا ءبىلدىرۋ قۇقىعىن پايدالانادى. ەگەر اقش ءتۇرلى قورقىتۋ مەن ۇركىتۋ ارەكەتتەرىن قايتالاسا، وندا يران اقش-قا قايتالاي كەلىسىمگە كەلۋ ورايىن دا بەرمەيدى»،– دەدى.

وسى اپتانىڭ باسىندا يزرايل پرەزيدەنتى مالىمدەمە جاساپ، يراندى جاسىرىن يادرولىق باعدارلاما جاساپ وتىر دەپ ايىپتاعان بولاتىن. اقش پرەزيدەنتى ترامپ يزرايل بارلاۋ ۇيىمىنىڭ دالەلدەرىن العا تارتىپ، 2015 جىلى قول قويعان «يران يادرولىق كەلىسىمىنەن» باس تارتاتىنىن مالىمدەگەن.

“The Qazaq Times”