پاشينياندى پرەمەر-مينيسترلىككە قايتا ۇسىنباق

ارمەنيا پارلامەنتىنىڭ وپپوزيتسيالىق فراكتسيالارى «ەلك»، «داشناكتسۋتيۋن»، «تسارۋكيان» پرەمەر-مينيستر لاۋازىمىنا نيكول پاشينياندى قايتادان ۇسىنۋدا. بۇل تۋرالى سارسەنبى كۇنى ورتالىق الاڭداعى جيىندا پاشينياننىڭ ءوزى حابارلادى.

ول سونداي-اق، بەيسەنبى كۇنى، ياعني بۇگىن ازاماتتىق باعىنباۋشىلىق ناۋقانىنىڭ بولمايتىنىن ايتىپ، ءوز جاقتاستارىن ءبىر كۇندىك ءۇزىلىس جاساۋعا شاقىردى. كەشە نارازىلىق بىلدىرۋشىلەر ارمەنيادان يران مەن گرۋزياعا دەيىنگى اۆتوجولداردى جاۋىپ، نيكول پاشينياننىڭ پرەمەر-مينيستر بولىپ سايلانۋىن تالاپ ەتكەن بولاتىن.

ەسكە سالايىق، 1 مامىر كۇنى پارلامەنت دەپۋتاتتارى پاشينياننىڭ كانديداتۋراسىن كەرى قايتارعان ەدى. پرەمەر-مينيستر كانديداتۋراسىنا كەزەكتى داۋىس بەرۋ 8 مامىردا وتەدى. بيلىك پارتياسى وپپوزيتسيا ۇسىنعان كانديداتتى قولدايتىنىن حابارلادى.

“The Qazaq Times”