Фото: bbc.com

Армения парламентінің оппозициялық фракциялары «Елк», «Дашнакцутюн», «Царукян» премьер-министр лауазымына Никол Пашинянды қайтадан ұсынуда. Бұл туралы сәрсенбі күні орталық алаңдағы жиында Пашинянның өзі хабарлады.

Ол сондай-ақ, бейсенбі күні, яғни бүгін азаматтық бағынбаушылық науқанының болмайтынын айтып, өз жақтастарын бір күндік үзіліс жасауға шақырды. Кеше наразылық білдірушілер Армениядан Иран мен Грузияға дейінгі автожолдарды жауып, Никол Пашинянның премьер-министр болып сайлануын талап еткен болатын.

Еске салайық, 1 мамыр күні парламент депутаттары Пашинянның кандидатурасын кері қайтарған еді. Премьер-министр кандидатурасына кезекті дауыс беру 8 мамырда өтеді. Билік партиясы оппозиция ұсынған кандидатты қолдайтынын хабарлады.

“The Qazaq Times”